प्यूठान उद्योग वाणिज्य संघले करदाता सेवा कार्यालय चकचके प्यूठानमा रहेको नागरीक सहायता कक्ष नियमीत रुपमा सञ्चालनमा ल्याउने भएको छ । चैत १० गते वसेको उद्योग वाणिज्य संघको कार्यसमितीको बैठकले नागरीक सहायता कक्ष केही समय अघि देखी प्रयोग विहीन रहेको भन्दै अव नियमीत रुपमा सञ्चाालनमा ल्याउने निर्णय गरेको हो ।
कर तिर्न आएका सेवाग्राहीहरुलाई सहजता दिनका लागि करदाता सेवा कार्यालय चकचके प्यूठानको कार्यालय परिसरमा हेल्पडेक्स स्थापना गरिएपनि कर्मचारी नखटाएका कारण केही समय देखी प्रयोग विहीन रहेको थियो ।
गत वर्षहरुमा कर तिर्ने सेवाग्राहीको भिडभाड लाग्ने सम्भावना देखिने हुनाले नागरीक सहायता कक्ष असार,साउन ,भदौ गरी करिव तिन चार ,महिना सम्म प्रयोगमा ल्याउने गरेको प्यूठान उद्योग वाणिज्य संघका कार्यकारी निर्देशक प्रकास खनालले जानकारी दिए । यस आर्थिक वर्षमा भने हेल्पडेक्स अहिले सम्म प्रयोग विहिन नै रहेको छ । जसका कारण कर तिर्न आउने सेवाग्राहीहरुले चर्को मूल्य तिरेर अनलाईन काम कार्यालय बाहिर गर्नुपर्ने बाध्यता छ ।
यस्तै बैठकले जिल्लाका विभिन्न संघ संस्था,स्थानिय तहहरुसँग समन्वय गरेर कुनै संघ संस्थामा दर्ता नगरी अबैध रुपमा हिडडुल गरी व्यापार व्यवसाय गरिरहेका प्यूठान जिल्ला भन्दा बाहिरबाट आउने व्यवसायी तथा भारतिय व्यवसायीहरुलाई उनीहरुले दर्ता नगर्दा सम्म अथवा कार्यलयलाई कर नतिर्दा सम्म व्यापार व्यवसाय गर्न नदिने निणर्य गरेको छ ।