झुलेनी नेटवर्क२०७८ चैत २१ प्यूठान
२०७८ चैत २१ प्यूठान नौबहिनी गाउपालिका १ स्याउलीबाङ्गमा आगलागी हुँदा एक घर जलेर नष्ट भएको छ । आगलागी हुदाँ ७ लाख बराबरको क्षति भएको प्रहरीले जनाएको छ । नौवहिनी गाउँपालिका वडा नं.१ स्यालीबाङ्गका नर बहादुर बुढाको घरमा आगोलागी हुदाँ एक लाख रुपैया नगद सहित घरमा भएका अन्नपात, लत्ताकपडा र घर पुर्णरुपमा जलेर नष्ट भएको वडाध्यक्ष सेरबहादुर सेनले जानकारी दिए ।
आईतबार विहान साढे १० वजे एक्कासी घरमा आगोलागी भएको परिवारले बताएको छ । सोलारको तार तातिएर आगोलागी भएको हुनसक्ने स्थानीयले अनुमान गरेका छन् । आगलागी भएपछि नर बहादुरको परिवार अहिले छिमेकीको सहारामा बसिरहेका छन । तत्काल घर मर्मत गर्नका लागि आर्थिक अभाव भएको भन्दै नर बहादुरको परिवारले सहयोगको याचना गरेका छन ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
