मल्लरानी गाउँपालिका ३ मुनडाँडा स्थित जनकल्याण आधारभूत विद्यालय चौथिलगाउनेमा रिक्त रहेको कार्यालय सहयोगी पदपूर्ती गर्ने विषयमा विवाद हँुदा विद्यालयमा पठनपाठनमा असर परेको छ । गत कार्तीक २९ गते अन्तरबार्ता र प्रयोगात्मक परिक्षाबाट स्थानीय गोपाल खत्री छनौट भएका थिए । यसैमा प्राधानाध्यापक र विद्यालय व्यबस्थापन समिति सदस्यहरुबिच विवाद भएको थियो । नियूत्ति लिएपछि विद्यालयमा हाजिर लगाउन आउदा खत्रीलाई विद्यालयका प्राधानाध्यापक गिता पौडेलले हाजिर लगाउन दिएकी छैनन् ।

विद्यालयका प्राधानाध्यापकले रोजेको व्यक्ति छनौटमा नपर्दा हाजिर लगाउन नदिएको विद्यालय व्यवस्थापन समितीका अध्यक्ष गोविन्द अधिकारीले आरोप लगाएका छन् । विवादकै बिचमा खत्रीलाई चैत्र ६ गते विद्यालय व्यवस्थापन समितिले नियूत्ति दिइएको थियो । यता विद्यालयका प्राधानाध्यापक गिता पौडेलले गाउँपालिकाबाट आदेश नआउँदासम्म गोपाल खत्रीलाई हाजिर लगाउन नदिने बताइकी छन् ।

लामो समयसम्म विद्यालयमा कार्यालय सहयोगी नहुँदा विद्यालयको दैनिक क्रियाकलापमा असहज भएको विद्यालयका शिक्षकहरुले गुनासो गरेका छन । बालबालिकाहरुले अध्ययन गर्ने स्थल नै फोहोरले भरिएको छ । विद्यालयको शौचालय फोहोर,समयमा घण्टी बजाउने मान्छे नहुनु, विद्यालय वरीपरिको बातावरण दुर्गन्दित रहेका कारण बालबालिकाहरु सोही वातावरणमा पठनपाठन गर्न बाध्य छन ।