२०७९ वैशाख १५, बिहीवार प्यूठानआउँदौ वैशाख ३० गते हुने स्थानिय तहको निर्वाचनका लागि प्यूठानमा करिब १ हजारको मनोनयन दर्ता भएको छ । जिल्ला निर्वाचन कार्यालय प्यूठानका निर्वाचन अधिकारी राजन श्रीवास्तवका अनुसार जिल्लाका नौ स्थानिय तहमा ९सय८८ जनाले उम्मेदवारी दर्ता गराएका छन ।
जसमा अध्यक्ष तथा प्रमुख पदका लागि ४५ जना,उपाध्यक्ष तथा उप्रमुख पदका लागि ३१ जना,वडा अध्यक्ष पदमा २सय२२ जना,सदस्यमा ३सय६२,महिला सदस्य १सय७०,दलित महिला सदस्य १सय५८ गरी कुल ९सय८८ जना उम्मेदवारहरुले मनोनयन दर्ता गराएका छन ।
त्यस्तै जिल्लाको प्यूठान नगरपालिकामा सबै भन्दा धेरै १सय५३ जनाले उम्मेदवारी दिएका छन । भने सबै भन्दा थोरै माण्डवी गाउँपािलकामा ६८ जनाले उम्मेदवारी दर्ता गराएका छन ।
जिल्लाका अन्य स्थानिय तहहरु मल्लरानी गाउँपालिकामा ८३,ऐरावतीमा १सय६,गौमुखीमा १सय३५,झिमरुकमा १सय४४,नौबहिहनीमा १सय५५,सरुमारानीमा ७२ र स्वर्गद्धारी नगरपालिकामा १सय१२ जनाले उम्मेदवारी दिएका छन ।
यस्तै भोली १६ गते उम्मेदवारले नाम फिर्ता र अन्तिम नामावली प्रकाशन गर्ने कार्यतालिका छ । १७ गते उम्मेदवारलाई निर्वाचन चिह्न प्रदान गरिने निर्वाचन आयोगले जनाएको छ ।
