झुलेनी नेटवर्क२०७९वैशाख१८,आईतबार प्यूठान
२०७९वैशाख१८,आईतबार प्यूठान २५० किलो सुनाखरी जडिबुटी सहित प्यूठानकी एक महिला बाग्लुङबाट पक्राउ परेकी छन । शुक्रबार जिल्ला प्रहरी कार्यालय बागलुङले प्यूठानका देवी केसीलाई २५० किलो सुनाखरी जडीबुटीसहित पक्राउ गरेको हो ।
विशेष सुचनाको आधारमा खटिएको प्रहरी टोलीले मालढुङगाबाट केसीलाई पक्राउ गरेको बागलुङका प्रहरी प्रमुख दयानिधि ज्ञवालीले बताए ।
प्यूठान जिल्लाको स्वर्गद्वारी नगरपालिका– ३ स्थायी घर भएकी केसीलाई फरक–फरक तौल भएका १० बोरा जडीबुटीसहित पक्राउ गरेको प्रहरी प्रमुख ज्ञवालीले बताए ।
महिलालाई शंकास्पद अवस्थामा फेला पारेर बोरा खानतलासी गर्दा खैरो रंगको सुनाखरी जस्तो देखिने जडीबुटी फेलापरेपछि नियन्त्रणमा लिएको प्रहरी प्रमुख ज्ञवालीकाे भनाइ छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
