जिल्लाको गौमुखी गाउँपालिका खुङ र पुजा जोड्ने निर्माणाधिन पक्की पुलमा खोलाले क्षती पुर्याएको छ । सोमबार दिउसो एक्कासी आएको असीना, पानी, भेल सहतिको धमिलो खोलाले बन्दै गरेको पुलमा क्षती पुर्याएको हो ।
ढलानको तयारीमा रहेको पुल निमार्णको सामाग्रीहरु खोलाले बगाउँदा करिब ३५ लाख बराबरको क्षती भएको निमार्ण व्यवसायि संघ प्यूठानका अध्यक्ष नविन कुमार क्षेष्ठले बताए ।
आजबाट पुल ढलानको काम सुरु गर्ने गरी निमार्णका लागि २ हजार वोरा सिमेन्ट, बालुवा, गिट्टी, छड, सरिया, काठ, तारजाली लगाएतका समाग्रीहरु निमार्णधिन पुल आसपासमै राखिएको थियो । हिजो एक्कासी आएको खोलाले पुल निमार्णका सामाग्रीहरु बगाएपछि अनुमानित ३५ लाख बराबरको क्षती भएको छ, अध्यक्ष श्रेष्ठले भने ।
खुङ र पुजा जोड्ने ७२ मिटर लम्वाईको पुल ठुलावेसीमा निमार्ण हुदँै छ । उक्त पुल निमार्णको जिम्मा हिम सगरमाथा मल्लरानी इसाल जेभी निमार्ण कम्पनीले लिएको छ । पुल निमार्ण कार्य गएको कार्तिक महिना देखी सुरु भएको थियो । पुल निमार्ण कार्य आगामी असार मसान्त सम्ममा सम्पन्न गरी सक्नुपर्ने छ । ७२ मिटर मध्ये ३५ मिटर पुल निमार्ण सम्पन्न भैसकेको निमार्ण व्यवसायि संघ प्यूठानका अध्यक्ष श्रेष्ठको भनाई छ ।