विपन्न महिला तथा किशोरीहरुका लागि दैनिक उपभोग्य बस्तुहरु रहेको मर्यादा किट र किशोरी किट एक कार्यक्रमका वीच वितरण गरिएको छ ।

मल्लरानी गाउँपालिका वडा नं. ३ मा रहेका १० जना विपन्न महिला तथा किशोरीहरुका लागि सामग्री शुक्रबार वितरण गरिएको हो । राष्ट्रिय अपांग सेवा संघ प्यूठानको समन्वय तथा सिद्धार्थ सामाजिक विकास केन्द्र कपिलबस्तु र यु.एन्. एफ्. पि. ए.को सहयोगमा १० सेट सामग्री वितरण गरिएको हो । विपन्न महिला तथा किशोरीहरुलाई ३ नं. वडा अध्यक्ष नोमराज पौडेल र महिला तथा किशोर किशोरी लक्षित कार्यक्रमको सुपरभाइजर निस्ता थापाले संयुक्त रुपमा हस्ताक्षर गर्नुभयो ।

मर्यादा किट र किशोरी किटले विपन्न महिला तथा किशोरीका लागि अत्यावश्यक रुपमा चाहिने साम्रगी भएकोले उहाँहरुलाई आपतको वेला सहज हुने उदेश्यका साथ सामग्री हस्तान्तर गरिएको कार्यक्रम सुपरभाइजर थापाले बताउनुभयो ।