झुलेनी नेटवर्क २०७९ असार, १ प्यूठान
२०७९ असार, १ प्यूठानस्वर्गद्धारी मन्दिर दर्शन गरि फर्किएको बालेरो पिकअप दुर्घटना हुदाँ एक जनाको मृत्यु भएको छ ।
भारतिय नागरिक चढेको पिबी.१०जि.जेड.०२७९ नम्बरको गाडी दुर्घटना हुँदा भारत उत्तर प्रदेशका ५८ वर्षिय विक्की नाउको घटना स्थलमै मृत्यु भएको जिल्ला प्रहरी कार्यालय प्यूठानका प्रहरी निरिक्षक लाल बहादुर विकले जानकारी दिए । विकका अनुसार २ जनाको अवस्था गम्भिर रहेकोले भैरवा रिफर गरिएको छ । अन्य व्यक्तिको अवस्था सामान्य रहेको छ । गाडीमा सवार २७ जना रहेका थिए । गाडी स्वर्गद्धारी नगरपालिका ४ घडेरीमा ब्रेक फेल भई दुर्घटना भएको हो ।
त्यस्तै मन्दिर दर्शन गरि फर्किएको अर्को पिकअप दुर्घटना हुदाँ दुई भारतिय नागरिक घाईते भएका छन । उनीहरुलाई पनि जिल्ला बाहिर रिफर गरिएको विकले बताए । पि.बी ५१ ई ४९८४ नम्बरको पिकअप भिङ्ग्री जलुकेमा दुर्घटना भएको हो ।
