करार कर्मचारीको म्याद थप नगरिएको कारण स्वर्गद्धारी नगरपालिकाका केहि स्वास्थ्य संस्था बन्द हुन पुगेको छ । नगरपालिका अन्तर्गतको गोठिबाङ स्वास्थ्य चौकीमा प्रसुती सेवा र डाडागाउँ शहरी स्वास्थ्य केन्द्रको सेवा वन्द रहेको स्वर्गद्धारी नगरपालिका स्वास्थ्य शाखा प्रमुख दलबहादुर केसीलेले जानकारी दिए ।नगरकार्यपालिका बैंठकको निणर्य बर्मोजिम करारका कर्मचारी हटाइएपछि अर्को व्यवस्था नभए सम्मका लागि सेवा प्रवाह वन्द भएको उनको भनाई छ । छिटो भन्दा छिटो पुनः सेवा संचालनमा ल्याउनका लागि आवश्यक पहल गरिरहेको शाखा प्रमुख केसीले बताए ।
त्यस्तै माण्डवी गाउँपालिका अन्तर्गतको सामुदायिक स्वास्थ्य इकाइ सल्लिखर्क र तिग्रा सामुदायिक स्वास्थ्य केन्द्रको सेवा प्रवाह बन्द भएको छ ।