शनिबार बाहानेमा संचालित निशुल्क स्वास्थ्य शिविरबाट ३सय८० जना सेवाग्राहीले सेवा लिएका छन ।

जिल्लाको नौबहिनी गाउँपालिका प्यूठानको आयोजनामा संचालित निशुल्क स्वास्थ्य शिविरबाट गाउँपालिका भित्रका ३सय ८० जनाले सेवा लिएका हुन् । शिविरमा आएका सेवाग्राहीलाई निशुल्क रुपमा स्वास्थ्य जाँच तथा निशुल्क औषधी वितरण सहित परामर्श दिइएको नौबहिनी गाउँपालिकाको स्वास्थ्य शाखाले जनाएको छ ।

सोहि अवसरमा निशुल्क रुपमा ल्याव सेवा समेत दिइएको थियो । शिविरमा दन्त सेवा, महिलाको पाठेघरको समस्या, स्तन सम्बन्धी सेवा, खुट्टा दुख्ने सुन्निने, ढाड दुख्ने लगायतका समस्या भएका बिरामीलाई सेवा दिइएको नौबहिनी स्वास्थ्य शाखाले जानकारी दिएको छ ।
शिविरमा डा. अनिल बस्नेत, फार्मेसिस्ट निर्मलबुढाथोकी, ल्याव टेक्निसियन प्रतिभा डाँगि, कमला डाँगि, दन्त चिकित्सक चुडामणि शर्मा, महिला सम्बन्धी समस्या कमला कुवर लगायतद्धारा सेवा दिइएको नौबहिनी स्वास्थ्य शाखाले जनाएको छ ।

शाखाका अनुसार १ सय ५० जनाले दन्त सेवा, ५० जनाको निशुल्क सुगर जाँच सहित अन्यलाइ स्वास्थ्य सेवा तथा परामर्श दिइएको थियो ।
नौबहिनी गाउँपालिका, समृद्धि सेवा समाज र लमजुङ गोर्खा तनहु सेवा समाजको आयोजना तथा नौबहिनी फार्मेसि एण्ड हेल्थ क्लिनिकको समन्वयमा निशुल्क शिविर संचालन गरीएको हो ।