२०७९ साउन १७, प्यूठानलुम्बिनी प्रदेशका स्वास्थ्य मन्त्री इन्द्रजीत थारुले कर्मचारीहरुलाई आफ्नो काममा दृढ भएर लाग्न आग्रह गरेका छन । प्यूठान अस्पताल र निक साइमन इन्स्टिच्युटको सहकार्यमा संचालित ग्रामिण अस्पताल सुद्ढिकरण परियोजना अन्तरगत अस्पतालको भवन पुनर्सरचना गरि बहुविशेषज्ञ सेवाको अद्घाटन कार्यक्रममा यस्तो बताएका हुन ।
भवन विस्तार भएर मात्र सेवा राम्रो नहुने भन्दै थारुले विरामीको सेवामा स्वास्थ्य क्षेत्रका कर्मचारी लचिलो भएर लाग्नु पर्ने बताएका हुन । साथै थारुले स्वास्थ्य क्षेत्र संवेदनशिल भएको भन्दै यसलाई हेलचक्राई नगर्न समेत आग्रह गरेका छन ।
साथै उनले चिकित्सकले बिरामीहरुसंग रिस पोख्ने र असर पुग्ने गरी काम नगरी माथिल्लो निकायसंग छलफल गर्न समेत आग्रह गरेका छन ।
साथै कार्यक्रममा निक साईमनका प्रमुख डा. कासिव शाहले प्यूठान अस्पतालमा प्रत्येक वर्ष १ करोडको कार्यक्रम गर्ने गरेको बताएका छन ।
अवको ५ वर्ष पछि निक साइमन फेजआउट हुन सक्ने सम्भावना भएको भन्दै आजै बाट अस्पताल व्यवस्थापन समिति र सरोकारवालाले यस विषयमा सोच्नु पर्ने बताएका छन ।
अस्पतालमा कर्मचारीहरुलाई तालिम तथा टेक्नीकलका विषयमा सहकार्य गर्नमा निकसाइमन सधै साथमा रहने बताएका छन ।
कार्यक्रममा बोल्ने बक्ताहरुले अस्पतालको विकासका लागि गाउँपालिका तथा नगरपालिकाहरुले पनि आर्थिक रुपमा सहयोग र सहकार्य गर्नु पर्ने बताएका छन ।
