प्यूठानमा २ हजार २ सय २२ जना मतदाता थपिएका छन् । जिल्ला निर्वाचन कार्यालय प्यूठानका अनुसार गत असार १ गते देखी साउन १९ गते सम्मको अवधिमा २ हजार २ सय २२ जना मतदाता थपिएको  हाे ।

पछि थपिएका यी मतदाता नामावली सच्याउनका लागि निर्वाचन आयोगमा नामावली संकलन गरि विवरण पठाउने तयारी भइरहेको निर्वाचन अधिकृत देविराम पाठकले जानकारी दिए । निर्वाचन आयोगले अन्तिम नामावली जिल्लामा पठाइसकेपछि मात्र मतदाता नामावलीको विवरण प्रकाशन गरिने उनको भनाई छ ।
जिल्ला निर्वाचन कार्यालय प्यूठानका अनुसार यस अघि स्थानीय तहको निर्वाचनमा जिल्लामा १लाख५९हजार३सय४६ जना मतदाता रहेका थिए ।

निर्वाचन आयोगले भदौ १२ गतेदेखी १९ गते सम्म मतदाता नामावली अद्यावधिक दावी विरोध कार्यक्रम संचालन गर्ने जनाएको छ । उक्त समयमा मतदाता नामावलीमा भएको त्रुटि सच्याउने, कसैले झुटा विवरण दिई नामावली नाम समावेश गरेको पाइएमा सोको विरोधमा उजुरी दिने, दोहोरो नामावली भए हटाउन निवेदन दिने, आफुलाई पाएक पर्ने स्थानका लागि मतदाता नामावली सार्न सकिने बताइएको छ ।