नेकपा एमालेका नेता एवम् एमाले उपाध्यक्ष सुवासचन्द्र नेम्वाङ साउन ३० गते (भोली) प्यूठान आउने भएका छन् ।
नेकपा एमाले प्युठान जिल्ला कमिटीले आयोजना गरेको प्रशिक्षण कार्यक्रमलाई सम्बोधन गर्न नेम्वाङ प्यूठान आउन लागेको पार्टी जिल्ला कमीटीले जनाएको छ । समसामयिक, राजनीतिकि परिवेश, आसन्न प्रतिनिधिसभा र प्रदेशसभाको निर्वाचनलाई लक्षित गरी मुख्य प्रशिक्षकको रुपमा उनले प्रशिक्षण दिने कमीटीले बताएको छ ।
कार्यक्रममा प्रदेश विभागिय सदस्यहरु, जिल्ला कमिटी, पालिका कमिटी, जिल्ला कमिटी सल्लाहकार, वडा कमिटी पदाधिकारी, जनवर्गिय संगठनका पदाधिकारी र एमालेको तर्फबाट निर्वाचित जनप्रतिनिधिहरु गरी करिब १५ सय जनाको सहभागीता रहने जिल्ला अध्यक्ष विजय विराज विष्टले जानकारी दिए ।

प्रशिक्षण कार्यक्रमलाई नेम्वाङसँगै एमाले स्थायी कमिटी सदस्य मणिचन्द्र थापा, पोलिटव्युरो सदस्य एवं लुम्बिनी प्रदेश कमिटी सहइन्चार्ज विमला घिमिरे, पोलिटव्यूरो सदस्य तथा प्यूठान इन्चार्ज सूर्य थापा, केन्द्रीय सदस्य तथा प्युठान जिल्ला सहइन्चार्ज हरिप्रसाद रिजाल र केन्द्रीय अनुशासन आयोगका सदस्य झपेन्द्र जिसीले सम्बेधन गर्ने कार्यक्रम रहेको नेकपा एमाले प्यूठानले जनाएको छ ।