केही समय अगाडि बाहिरी मेडिकलमा बिरामी हेरेको भन्दै बिबादमा मुछिएका थिए प्युठान अस्पतालका डाक्टर सन्तोस के.सी ।
अहिले उनै डाक्टर केसीले अस्पतालमा डेलिभरी ब्यबस्थापनसङ्गै जिल्लामा पहिलो पटक एक महिनामा अस्पतालबाट २ सय ४० डेलिभरी गराउन सफल भएका छन् । साउन महिनामा मात्रै २सय १० वटा सामान्य र ३० वटा शल्यक्रिया माध्यामबाट डेलिभरी गराएको प्युठान अस्पतालका जनरल प्राक्टिसनल एवम् ईमर्जेन्सी फिजिसियन एम.डि.जि.पि डाक्टर सन्तोस केसीले बताए ।

गुल्मी अर्घाखाँची र रोल्पाबाट रिफर भएर बिरामी प्युठान अस्पतालमा आउछन् । बिरामीहरु प्राय सुत्केरी महिला आउने गर्छन् ।
अस्पतालमा प्रसुती कक्ष साघुरो हुदा एउटा बेडमा ३ ÷ ३ जना बिरामी राखेर पनि डेलिभरी गराईएको अस्पतालका डाक्टर केसीले बताए ।
साथै उनले भने “ शल्यक्रिया गर्नुपरे म आफै रात दिन नभनी काम गर्छु सामन्य डेलिभरी गराउन नर्सिङ कर्मचारीको उल्लेखनीय भुमिका रहेको छ ।
म बिरामीलाई सेवा दिन प्युठान आएको हु , सकभर बिरामिलाई बाहिर रिफर गर्दिन । चैत्र महिनादेखि प्रसुतिको जिम्मेवारी पाए लगत्तै डेलिभरी बाहिर रिफर गर्ने संख्या सुन्य गराएको छु । जस्ले गर्दा बिरामिहरु ठूलो रकम खर्च हुनेबाट जोगिएका छन ।“
गर्भवतीको अपरेसन निशुल्क
प्युठान अस्पतालमा डाक्टर सन्तोस केसी आउनुभन्दा अगाडी गर्भवती आमा सुरक्षाको कार्यक्रम अन्तरगत गर्भवती महिलाको सल्यक्रिया गर्दा औषधी तथा अपरेसन सामाग्री बाहिरबाट किन्न लगाईन्थ्यो तर अहिले डाक्टर केसी आएपछी सबै निशुल्क भएको छ । जसले गर्दा सेवाग्राही खुसी छन । शल्यक्रियाका लागि अस्पतालबाटै सामाग्री निशुल्क उपलब्ध गराईने डाक्टर केसीले बताए ।
साथै अहिले प्युठान अस्पतालमा दैनिक ५ बर्ष मुनिका बिरामी बालबालिकाको संख्या बढ्दै गएको बालरोग बिशेषज्ञ डाक्टर सौरभ श्रेष्ठले बताए ।