२०७९ भदौ ४, प्यूठानप्रथम प्याब्सन अन्तर विद्यालय जिल्लास्तरिय लोकनृत्य प्रतियोगितामा कालिका आवासीय माद्यामीक विद्यालय बिजुवार प्रथम भएको छ । त्यस्तै द्धितीय पव्लिक इङ्गलिस बोडिङ्ग स्कुल दाखाक्वाडी, तृतीय प्यूठान भ्याली बाग्दुला र मल्लरानी बोडिङ्ग स्कुल खंलगा सान्त्वना भएका छन् ।
लोक नृत्य प्रतियोगितामा प्रथम, द्धितीय, तृतीय र सान्त्वनाले क्रमस.नगद रु १० हजार, ८ हजार, ७ हजार र ४ हजार नगद पुरस्कार सहित प्रमाण पत्र प्राप्त गरेका छन् ।
कार्यक्रमका अध्यक्ष व्याप्सनका जिल्ला अध्यक्ष दिपेन्द्र जि.सीले प्रतियोगिहरुलाई नगद पुरस्कार सहित प्रमाण पत्र प्रदान गरि सम्मान गरेका हुन् । प्रतियोगितामा जिल्लाभरका निजी तथा आवासिय विद्यालयका १६ टिमहरुले भाग लिएका थिए ।
विद्यार्थीहरुको सर्वाङ्गीण विकासको लागि सांगितिक तथा लोक नृत्य प्रतियोगिता शनिबार निजी तथा आवासीय विद्यालय अर्गनाइजेसन (प्याब्सन) नेपालले प्यूठान नगरपालिका ४ स्थित होटेल आयुस्मा जुर्मीमा सम्पन्न गरेको हो ।
पठनपाठनको अलावा विद्यार्थीहरुको सर्वाङ्गीण विकासको लागि उनीहरुभित्र रहेको सांगितिक तथा नृत्य प्रतिभालाई प्रस्फुटन गरी राष्ट्रिय तथा अन्तराष्ट्रिय स्तरमा उनीहरुको नृत्यकलालाई परिचित गराउने उद्देश्यले प्याब्सन जिल्ला कार्यसमिती प्यूठानले कार्यक्रमको आयोजना गरेको थियो ।
आजको कार्यक्रममा अध्यक्षता प्याब्सनका अध्यक्ष दिपेन्द्र जि.सी, प्याब्सनका केन्द्रिय सदस्य गिर बहादुर भण्डारीको प्रमुख आथित्यता, प्यूठान नगरपालिका उपप्रमुख देबेन्द्र वर्माको विशेष आथित्यता सहित जिल्लाभरका निजी विद्यालयका विद्यार्थी, शिक्षक , अभिभावक, विभिन्न राजनितिक दलका प्रतिनिधी, कर्मचारी लगाएतको उपस्थिती रहेको थियो ।
