सरुमारानी गाउँपालिकाले २० युनिट भन्दा कम विद्युत महशुल आउने घरपरिवारको विद्युत शुल्क तिरिदिने भएको छ । गाउँपालिकाले शुक्रबार सुचना जारी गर्दै विद्युतको सहज र सरल पहुचँ स्थापित गर्नका लागि गाउँपालिकाको वार्षिक निती तथा कार्यक्रम अनुसार जनताको २० युनिट भन्दा कम विद्युत महशुल गाउँपालिकाले तिरिदिने जनाएको छ ।

सरुमारानी गाउँपालिका र वुटवल पावर कम्पनी÷झिमरुक जल विद्युत केन्द्रविच गाउँवासीको विद्युत महशुल तिरिदिने सम्झौता भईसकेकाले गत साउनदेखी जनताको २० युनिट भन्दा कम विद्युत महशुल तिरिदिन थालेको गाउँपालिकाले जनाएको छ ।

नेपाल विद्युत प्राधिकरणको विद्युत प्रयोग गरेका लाभग्राहीले १२ महिनाको विद्युत महशुल भुक्तानी गरेको विल २०८० असार ७ गते भित्र गाउँपालिकामा पेश गर्नुपर्ने जनाएको छ ।