युट्युबको भिडियोबाट प्रभावित भई अमेरिकाबाट विक्रम गिरिले प्यूठानको एक विद्यालयको बालबालिकाहरुलाई सहयोग गरेका छन ।

नौवहिनी गाउँपालिकामा वडा नं ७ बास्कोटका भाइरल भएका १२ वटि दिदिबहिनिहरुले अभिनय गरेको भिडियो युट्युब, टिकटक लगायत सामाजिक सञ्जालमा देखेपछी उनिहरुले पढ्ने विद्यालयका बालबालिकालाई अमेरिकामा बस्दै आएका विक्रम गिरिले ३० हजार रुपैयाँ बराबरको विद्यालय सामाग्री नेपाल राष्ट्रिय प्राथमिक विद्यालय बास्कोटका विद्यार्थीहरुलाई वितरण गरेका हुन । सो विद्यालयमा १ सय २४ जना विद्यार्थी छन् ।

विपन्न, अनाथ तथा अपांग बालबालिकाको आधारमा विद्यार्थीहरु मध्ये ५ जनालाई विद्यालय पोसाक, ५ जनालाई झोला, विद्यालयका सबै जना बालबालिकालाई स्टेसनरी सामाग्री वितरण गरेका छन । ती १२ बहिनिमध्ये प्रत्येक बहिनिले क्रमश २०४५ सालदेखी सो विद्यालय बास्कोटमा हालसम्म अध्ययन गर्दै आएका छन । ती १२ बहिनिका बाबु सुमन्त सापकोटालाई सो विद्यालयले उक्त कार्यक्रममा ३४ वर्ष देखि लगातार छोरीहरुलाई त्यस विद्यालयमा पढाएको भन्दै सम्मान समेत गरेको विद्यालय व्यवस्थापन समितिका अध्यक्ष शिवराज सापकोटाले बताए ।