प्यूठानको एक स्थानिय तहका मेयरलाई नेकपा प्यूठानले कालो मोविल लगाईदिएको छ। स्वर्गद्धारी नगरपालीका प्यूठानका मेयर नेत्र वहादुर रोकायलाई आफ्नो पार्टीले ‘कालोमोसो’ लगाएको विप्लव नेतृत्वको नेपाल कम्युनिष्ट पार्टी प्यूठानका जिल्ला सेक्रेटरी डिल वहादुर घर्ति(अजय) ले वताए।

घटनाको विज्ञप्तीमार्फत उक्त पार्टीले जिम्मा लिएको छ। विज्ञप्तीमा वेनामि चेक काटी आफ्नो पार्टीको नाममा आर्थिक अनियमिता गरेको, उपभोत्ता समितिमा आफ्ना कार्यकर्ता राखि किर्ते विलभपाई वनाएको, आफन्तलाई कर्मचारी वनाएको लगायतका आरोप लगाईएको छ।

योजना शाखामा वसेर योजनाहरुको विषयमा छलफल गरिरहेका वेला नगरपालीका कार्यालयमा छिरेका तिन जनाले कारण विज्ञप्तिमार्फत थाहा पाउने भन्दै आफुलाई लक्षित गरि कालो मोविल प्रहार गरेको नगरपालीकाका मेयर रोकायले वताए। मेयर रोकायले आफुमाथि मोवोल खन्याएर दुव्र्यवहार गर्नेहरुले निराधार र तथ्यहिन आरोप लगाएको भन्दै कानुन अनुसार कारवाहि हुनुपर्ने वताए।

मेयरमाथि कालोमोसो दल्ने ३ जनाको पहिचान भैसकेको र खोजि कार्य जारी रहेको जिल्ला प्रहरी कार्यालय प्यूठानका प्रमुख डि.एस.पी. निर्मल वुढाथोकिले वताए।