असार ९ प्युठानप्युठानको मल्लरानी गाउँ पालिकामा एक महिलाले क्वारेन्टाईनमा नै बच्चा जन्माएकी छिन्।मल्लरानी गाउँपालिका वडा नं ४ को जनजागृती मा।वि कसेरीको क्वारेन्टाईनमा बसेकी १८ बर्षिय सीता खड्काले प्राथमिक स्वास्थ्य केन्द्र खलंगामा बच्चा जन्माएकी हुन।उनले छोरा जन्माएकी हुन।आमा र बच्चा दुवैको स्वास्थ्य अवस्था सामान्य रहेको प्राथमिक स्वास्थ्य केन्द्र खलंगाका प्रमुख शान्त रोकाले जानकारी दिए। उनी ७ दिन पहिले भारतको पंजावबाट श्रिमानसंगै आएकी थिईन।
सुत्केरी महिलाको आरडिटि रिपोर्ट नेगेटिभ आए पनि पिसिआर रिपोर्ट नआउदासम्म क्वारेन्टाईन मै राखिने छ। वडा अध्यक्ष कुमार श्रेष्ठका अनुसार सुत्केरी महिलाको स्याहार तथा पोषण व्यवस्थापन गाउँपालिका स्तरिय स्वास्थ्य ईकाईले गर्ने छ।
यस अघि नौबहिनि गाउपालिका वडा नं ७ को गोगनपानीमा रहेको क्वारेन्टाइनमा एक महिलाले पनि छोरा जन्माएकी थिइन ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
