News Portal

रेडियो सुन्नुहोस्

स्वर्गद्धारी आश्रमको खानेपानी सामाधानका लागि मन्दिर परिसरबाट मन्त्रीको तोकआदेश , ऐतिहासिक दिनको रुपमा स्थापित हुने अपेक्षा

नोमराज पौडेलमाघ १५ , २०७७
११७६ पटक
माघ १५ , २०७७

प्युठान स्वर्गद्धारी, पाच पाण्डवहरु हिडेरै स्वर्ग गएको धार्मिक विस्वास रहेको नेपालको सातधाम मध्येको एक धाम तथा प्युठानको प्रमुख धार्मिक तिर्थस्थल तथा पर्यटकिय स्थल स्वर्गद्धारी मन्दिरमा विहिबार छुट्टै माहोल देखियो।

चर्चित मन्दिर भएकोले त्यहाँ जाने भक्तजनहरु त्यसैपनि खुसी हुन्छन् र दर्शन गरि आफ्नो मनोकामना पुरा हुने आशाले फर्किन्छन्। त्यसमा पनि आज स्वस्थानी बर्त कथा आरम्भ हुने पुर्णिमाको दिन तिर्थालु भत्तजनहरुको निकै नै घुँईचो देखिन्थ्यो।स्वर्गद्धारीमा जाने भक्तजनको गुनासो खानेपानी र स्नान गर्ने पानीको अभाव नै हो। केहि प्रयासहरु भएता पनि प्रर्याप्त मात्रामा खानेपानीको अभाव झेल्नुपरेको धेरै बर्ष भैसकेको छ। खानेपानी मन्त्री मणीचन्द्र थापा सहितको टोली स्वर्गद्धारी मन्दिर दर्शनको लागि स्वर्गद्धारीमा पुगेको बेला त्यहाँका गुरु तथा बटुकहरुले खानेपानीको समस्याको बिषयमा मन्त्री ज्युलाई जानकारी गराए।
प्युठान नगरपालिका वडा नं. ८ गेजवाङमा जन्मिनु भएका मन्त्री थापाले स्वर्गद्धारीको खानेपानीको समस्या समाधान गर्ने सोच बनाउनुभयो। र एक हप्ता भित्रमै मन्त्रालयका सचिव सहितको टोली संग छलफल गरि स्वर्गद्धारीमै छलफल गरेर निर्णय गर्ने कार्यक्रम तय भयो। त्यसै सिलसिलामा मन्त्री सहितको टोली विहिवार स्वर्गद्धारी आश्रम पुग्यो। मन्त्री थापा संगै खानेपानी मन्त्रालयका सचिव माधव बेल्वासे, खानेपानी तथा ढल निकास विभागका महानिर्देशक मिना श्रेष्ठ , उपमहानिर्देशक सुर्यराज कडेल लगाएतको टोली स्वर्गद्धारी पुगेको हो। मन्दिरको दर्शन गरेर मन्त्री सहितको टोली संघीय खानेपानी तथा ढल ब्यवस्थापन आयोजना अर्घाखाँची तथा बुटवलको आयोजनामा हुने अन्तरक्रियामा सहभागि भएको हो।

महानिर्देशक मिना श्रेष्ठको आयोजनामा भएको कार्यक्रममा मन्त्री थापा प्रमुख अतिथि हुनुभयो भने बिशिष्ट अतिथि सचिव माधव बेल्वासे हुनुभएको थियो। कार्यक्रममा स्वर्गद्धारी नगरपालिकाका मेयर नेत्र बहादुर रोकायले स्वर्गद्धारीमा खानेपानीको अवस्थाको बिषयमा जानकारी गराउँदै माडीखोलाको पानी लिफ्टबाट लैजानुको विकल्प नभएको बताउनुभयो। कार्यक्रममा आश्रमको तर्फबाट गुरुहरुले माग पत्र मन्त्रीलाई माडीको पानी ल्याउनुपर्ने विकल्प अगाडि सार्दै बुझायो। मन्त्री थापाले कार्यक्रम स्थलमै हस्ताक्षर गरेर तोक आदेश दिई सचिवलाई बुझाउनुभयो। त्यसपछि माहोल अलि बदलियो। कार्यक्रमका संचालक सुर्यराज कँडेलले स्वर्गद्धारीको बिषयमा निकै गुनगान गाउनुभयो। त्यसले पनि सबैलाई थप आशा जगाएको थियो। कार्यक्रममा सचिव माधव बेल्वासेले आफु २०६४ सालतिर आएको स्मरण गर्दै एक हप्तामा बिज्ञटोली पठाएर अध्ययन सूरु गर्ने प्रतिबद्धता जनाउनुभयो।

उहाँको कुरा सुनेपछि कार्यक्रममा सहभागि सबैले तालि बजाए। सचिव बेल्वासेले बैशाख भित्र डिपिआर तयार गरि अर्को आर्थिक बर्षमा बजेटको ब्यवस्था गरेर काम सुरु गर्ने बताउनुभयो। उहाँले स्वर्गजाने द्धारको रुपमा चिनिने स्वर्गद्धारीमा खानेपानीको समस्यालाई सधैका लागि अन्त्य गर्ने बताउनुभयो। सहभागि जिल्लाबासी खासगरि स्वर्गद्धारी नगरपालिकाबासीहरु निकै खुसी देखिन्थे। पबित्र ठाउँ स्वर्गद्धारीको खानेपानीको समस्यालाई समाधान गर्न आफुले स्थलमै आएर मन्त्रालयको टोली सहित अन्तरक्रिया गरेको मन्त्री मणीचन्द्र थापाले जानकारी दिनुभयो।
जिल्लाको इतिहासमा कार्यक्रम स्थलमै तोकआदेश गरेर मन्त्रीस्तरीय निर्णय गरेको यो सम्भवतः पहिलो काम हो। जुन खानेपानी मन्त्री मणीथापाले स्वर्गद्धारीबाट सुरु गर्नुभयो। स्वर्गद्धारीमा आउने लाखौं भक्तजन, गुरु,बटुक र गाईहरुका लागि खानेपानी आउनेमा सबै आशाबादी रहेका छन्। बिहीबार जुन माहोल देखियो। यो तत्कालै कार्यान्वयन भएर बर्षौको समस्या समाधान हुने आशा गरिएको छ।यो निर्णयले साँच्चीकै मन्त्री थापाले प्युठानी जनताको मन जित्नुभएको छ। उहाँको कार्यकालमा यो सुरु गरि सधैलाई समस्या समाधान भएर जावस्। मन्त्री थापाले आफ्नो जिल्लामा रहेको स्वर्गद्धारीको खानेपानी समस्याको समाधान गर्ने मन्त्री स्तरीय निर्णय स्वर्गद्धारीमै बसेर गर्नु निकै उत्कृष्ट काम हो। यसलाई चौतर्फी प्रसंसा गरिएको छ।

 

प्रतिकृया दिनुहोस्

हामीस‌ग जोडिनुहोस।

कहॉ रोकियो पर्यटकीय पदमार्ग ?

प्यूठानको स्वर्गद्रारीबाट गौमुखी पुग्ने पर्यटकीय पदमार्ग वर्षौ देखि अलपत्र परेको छ । पछिल्ला वर्षहरुमा केन्द्रिय,...

प्यूठानको गौँमुखीमा अरिङगालले टोकेर एक जनाको मृत्यु ,५ घाइते

प्यूठानको गौंमुखी गाउँपालिका ५ खुङमा अरिङगालले टोकेर एक जनाको मृत्यु भएको छ । पाँच जना...

शिक्षा पहिलो प्राथमिकतामा किन पर्दैन?

विषय प्रवेश : हरेक राजनीतिकर्मी, अधिकारकर्मी, समाजसेवी, बौद्धिककर्मीले विकास र समृद्धिका कुरा गर्दा, भाषण गर्दा...

जीवनकाे रङ्ग : बुटिक कलामा रम्दै मनि

फेशन डिजाइन र बुटिकले नङ र मासुको जस्तो सम्बन्ध कायम गरेको छ । फेसन डिजाइनिङ...

    हामिस‌ग जोडिनुहोस।

    समाचार सुचना र मनोरञ्जनका लागी