प्यूठान नगरपालिका वर्डा नं ३ सापडाडा स्वास्थ्यचौकिमा प्रयोगशाला सहितको सेवा सुरु भएको छ । प्यूठान नगरपालिकाका मेयर अर्जुनकुमार कक्षपतीले आज एक कार्यक्रमका विच प्रयोगशाला सहितको सेवाको उदघाटन गर्नुभएको हो ।

प्यूठान नगरपालिका सहित माण्डवी गाउँपालिकाको केही भुभाग र मल्लरानी गाउँपालिकाको केही भुभागका सेवाग्राहिले समेत सेवा लिने उक्त स्वास्थ्य चौकिमा प्रयोगशालामा सेवा सुरु भएसंगै त्यस क्षेत्रका सेवाग्राही प्रत्यक्ष रुपमा लावान्वित हुने भएका छन् ।

प्रयोगशाला सेवाले नगर क्षेत्रका जनतालाई सानो समस्याको परिक्षणका लागी धेरै रकम र घन्टौँ समय खर्च गर्नुपर्ने वाध्यता घटाउने अपेक्षा गरिएको प्यूठान नगरपालिकाका नगरप्रमुख अर्जुनकुमार कक्षपतीले वताउनु भयो । “ यो सेवा सुरु भएसंगै नगरपालिका वासिन्दाहरुलाई प्रत्यक्ष लाभ पुग्ने नगरपालिकाको विश्वास छ ।” नगरप्रमुख कक्षपतीले भन्नुभयो– “हामिले सवै स्वास्थसंस्थाहरुमा विस्तारै प्रयोगशाला सहितको सेवा सुरु गर्ने योजना वनाएका छौँ ।”

उपमेयर शान्ता आचार्यले नगरपालिकाको निती, कार्यक्रम, योजनाअनुसार जनतालाई सेवा प्रवाहको प्रत्यक्ष महसुस हुनेगरी कार्यसञ्चालन गरिने वताउनु भयो । कार्यक्रममा प्रमुख प्रशासकिय अधिकृत थानेश्वर भण्डारी , वडाअध्यक्षहरु लगायतको सहभागीता रहेको थियो ।