मोटरसाइकलको ठक्करबाट आफन्तको मृत्यु भएको विषयलाई लिएर अबरुद्ध पुण्यखोला सडक खण्ड खुलेको छ । ठक्करबाट मृत्यु भएका रन बहादुर घर्तिको परिवारलाई कानुन बमोजिम क्षतिपुर्ति दिलाउने र पिडकलाई कानुनी कारवाही गर्ने सहमति भएपछि अबरुद्ध सकड खुलेको इलाका प्रहरी कार्यालय विजुवारले जनाएको छ ।

कानुन बमोजिम ५ लाख रुपैयाँ र किरिया खर्च स्वरुप २ लाख सहित ७ लाख रुपैयाँ दुर्घटनामा संलग्न ब्यक्तिले दिने भएका हुन् । प्रहरी, प्रशासन र मृतकका आफन्तबिच सहमति भएपछि मृतकका आफन्तले शब बुझेका छन् ।

मृत्यु भएका घर्तिको सव प्यूठान नगरपालिका–७, पुण्यखोलामा मोटरसाइकलले ठक्कर दिदा ३ दिनअँघि घर्तिको मृत्यु भएको थियो । बिजुवारबाट बाग्दुला तर्फ जादै गरेको लु ५७ प ३३४६ नम्बरको मोटरसाइकलले पूण्यखोला निबासी ५५ वर्षिय घर्तिलाई ठक्कर दिएको थियो ।

घाईतेलाई प्यूठान अस्पतालमा सामान्य उपचारपछि थप उपचारका लागि बुटवल रिफर लैजाँदै गर्दा भालुवाङमा मृत्यु भएको थियो ।