२०७९ बैशाख १६, प्यूठानआसन्न स्थानिय तहको निर्वाचनको समय नजिकिए सँगै प्यूठानका सक्रिय राजनितीक दलहरुले चुनावी प्रसारप्रसारको कार्यक्रमलाई तिव्रता दिएका छन ।
नेकपा एमाले जिल्ला कमीटी प्यूठानले चुनावी प्रचारप्रसार घरदैलो कार्याक्रम अन्तर्गत आज प्यूठान नगरपालिका नेकपा एमाले निर्वाचन समितीले प्यूठान नगरपालिका वडा नं.९,१० मरन्ठानामा घरदैलो कार्यक्रम गरिरहेको छ । घरदैलो कार्यक्रम अन्तर्गत मतदाताहरु उत्साहजनक रुपमा सहभागी भएको नेकपा एमाले प्यूठानले जनाएको छ ।
राजनितिक दलहरुले आफ्नो पार्टीको जनपक्षिय कामहरु लिएर मतदातासँग मत मागिएको नेकपा एमाले प्यूठान नगरप्रमुखका उम्मेदवार विजय विराज विष्टले जानकारी दिए । त्यस्तै सत्ता गठवन्धनका पक्षहरुले पनि चुनावी प्रचार प्रसार अभियानलाई तिव्रता दिइएको छ । मतदातासँग गठवन्धनका उम्मेदवारलाई मत माग्दै घरदैलो कार्यक्रम गरिरहेको गठवन्धन तर्फका मेयर उम्मेदवार विष्णु योगीले जानकारी दिए । गठवन्धनको टाली आज चुनावी प्रचार प्रसार अभियान अन्तर्गत प्यूठान नगरपालिका वडा नं.२ मा घरदैलो अभियान चलाइरहेको योगीले बताए । निर्वाचन आचारसंहितालाई पालना गर्दै प्रसारमा अभियानलाई निरन्तरता दिएको उनले जानकारी दिए ।
प्यूठान नगरपालिकामा नेकपा माओवादी केन्द्र, नेपाली कांग्रेस र राष्ट्रिय जनमोर्चा तालमेल गरेर चुनावी प्रकियामा लागिपरेका छन भने,नेकपा एमाले एक्लै चुनाव लड्दै छ ।
