आँखा उपचार केन्द्र प्रस्थावित नरेन्द्र गायत्री ऑखा अस्पताल बिजुवारको नयाँ भवनको आज (शुव्रmबार) एक विशेष कार्यक्रमका बिच शिलान्यास गरिएको छ । नेपाल नेत्र ज्योति सङ्घका केन्द्रीय उपाध्यक्ष तथा लुम्बिनी प्रदेश सभापति सागर प्रताप राणाको प्रमुख आतिथ्यतामा भवनको शिलान्यास गरिएको हो ।

अस्पताल व्यवस्थापन समितिका अध्यक्ष लक्ष्मी प्रकाश राजभण्डारीको अध्यक्षतामा सम्पन्न उक्त कार्यक्रममा स्थानीय बुद्धिजीवी, अस्पतालका पूर्व तथा वर्तमान पदाधिकारीहरू लगायत सर्वसाधारणको उपस्थिति रहेको थियो ।

प्युठान नगरपालिका वडा नं.४, बिजुवारमा स्वर्गीय नरेन्द्रकुमार श्रेष्ठले दान गर्नुभएको करिब ५ रोपनी जग्गामध्ये ३ हजार ७ सय ९६ वर्गमिटर क्षेत्रफलमा ५ तले ४० कोठाको आधुनिक भवन निर्माण गर्न लागिएको हो । अनुमानित करिब १३ करोड रुपैयाँ भवन निर्माण सम्पन्न गनर्् लाग्ने गरि डिपीआर तयार भएको छ ।

भवनको संरचनाः ५ तल्ला (जसमा ओपीटी कक्ष, शल्यक्रिया कक्ष र मिटिङहल, लगायत स्टिमेट गरिएको छ । प्रथम चरणको लक्ष्य पहिलो तल्लाको निर्माण कार्य १ करोड ४० लाख खर्च गर्नेगरि आगामी चैतसम्म सम्पन्न गर्ने योजना रहेको छ अस्पतालले जनाएको छ ।

अस्पताल व्यवस्थापन समितिका अध्यक्ष लक्ष्मी राजभण्डारीका अनुसार विस्तृत परियोजना प्रतिवेदन तयार गरी काम अगाडि बढाइएको छ । बाँकी तलाहरू भने आगामी दिनमा प्राप्त हुने सहयोग रकमका आधारमा क्रमैसँग निर्माण गर्दै जाने रणनीति लिइएको छ । नयाँ भवन निर्माण सम्पन्न भएसँगै प्युठान र आसपासका क्षेत्रका सेवाग्राहीले आफ्नै जिल्लामा सहज र गुणस्तरीय आँखा उपचार सेवा पाउने आसा गरिएको छ ।