News Portal

रेडियो सुन्नुहोस्

प्युठानमा ४० वटा स्वास्थ्य संस्थाले पाए बालरोग व्यवस्थापन सम्बन्धी तालिम

बोम बहादुर परियार २०७९ बैशाख १७
७५४ पटक
२०७९ बैशाख १७

प्यूठान, समुदायमा आधारित नवजात शिशु तथा बाल रोग एकीकृत व्यवस्थापन ९ऋद्य–क्ष्ःल्ऋक्ष्० सम्बन्धी तालिम स्वास्थ्य कार्यालय प्यूठानमा सम्पन्न भएको छ । वैशाख ६ गतेदेखी सुरु भएकोे तालिममा ४० जना स्वास्थ्यकर्मीहरु सहभागी थिए । स्वास्थ्य कार्यालय प्यूठानको आयोजनामा तालिम शनिवार सम्पन्न गरिएको हो ।

स्वास्थ्यकर्मीहरुलाई दुई समुहमा विभाजन गरी तालिम दिईएको थियो । चालु आर्थिक वर्षमा जिल्लाका ७१ वटा स्वास्थ्य संस्था मध्ये ४० वटा स्वास्थ्य संस्थाका कर्मचारीहरुलाई तालिम दिईएको स्वास्थ्य कार्यालय प्यूठानका प्रमुख मधुसुदन खड्काले बताए ।

कार्यक्रमको उद्देश्य ५ वर्ष भन्दा मुनिका बालबालिकाको मृत्युदरमा कमी ल्याउनु रहेको उनले बताए । बच्चाको जन्म भैसकेपछि बाँच्न पाउनुपर्छ र सुत्केरी आमा पनि, समयमै पहल गर्न सकियो भने मातृ मृत्युलाई शुन्य गाराउन सकिने खड्काले बताए ।

तालिमको सहजिकरण गर्दै प्यूठान अस्पतालका बाल रोग विशेषज्ञ डाक्टर शौरभ श्रेष्ठले सहभागीहरुले तालिम पश्चात राम्रो सिकाई उपलब्धी भएको बताएका छन् । सहभागिहरुलाई अस्पतालमैल लगेर प्रयोगात्मक विधिबाटख समेत तालिम दिईएको थियो ।

त्यस्तै स्वास्थ्यकर्मीहरुले मुल्याङ्कन, बर्गीकरण र उपचार गरी ३ कुरा कहिले भुल्न नहुने बाल रोग विशेषज्ञ डाक्टर श्रेष्ठले बताए । जिल्लामा बाल मृत्युदर घटाउनका लागि स्वास्थ्य संस्था, अस्पताल र स्वास्थ्यकर्मीहरुको नङ् र मासुको जस्तो सम्बन्ध हुन आवश्यक रहेको उनले बताए ।

विशेषज्ञ डाक्टरहरुबाट तालिम लिन पाउँदा तालिम निकै प्रभावकारी र सिपमुलक रहेको सहभागीहरुले बताएका छन् । संघिय सरकारबाट विनियोजित बजेटद्धारा तालिम सञ्चालन गरिएको थियो । तालिम अवधिभर ५ जना प्रशिक्षकद्धारा तालिम दिईएको थियो । प्रशिक्षकको रुपमा प्यूठान अस्पतालका बाल रोग विशेषज्ञ डाक्टर शौरभ श्रेष्ठ, एम.डी.जि.पी डाक्टर सन्तोष के. सी., डाक्टर दिपेन्द्र जंग शाही, डाक्टर पुष्पा श्रेष्ठ र नर्सिङ अधिकृत प्रतिमा भट्टराई रहेका थिए ।

नवजात शिशुलाई कसरी बचाउँने ? कसरी अस्पताल सम्म पठाउने ? लगाएतका बारेमा तालिमका सहभागीहरुलाई सचेत गराइएको छ । जिल्लामा अबका दिनमा नवजात शिशुको अवस्थामा परिवर्तन ल्याउने समुदायमा आधारित नवजात शिशु तथा बाल रोग एकीकृत व्यवस्थापन ९ऋद्य–क्ष्ःल्ऋक्ष्० का फोकल पर्सन पुस्कल श्रेष्ठले बताए । साथै गुणस्तरिय स्वास्थ्य सेवा प्रदान गर्न समेत यो तालिमले महत्वपूर्ण भुमिका खेल्ने उनको भनाई छ ।

प्रतिकृया दिनुहोस्

हामीस‌ग जोडिनुहोस।

कहॉ रोकियो पर्यटकीय पदमार्ग ?

प्यूठानको स्वर्गद्रारीबाट गौमुखी पुग्ने पर्यटकीय पदमार्ग वर्षौ देखि अलपत्र परेको छ । पछिल्ला वर्षहरुमा केन्द्रिय,...

प्यूठानको गौँमुखीमा अरिङगालले टोकेर एक जनाको मृत्यु ,५ घाइते

प्यूठानको गौंमुखी गाउँपालिका ५ खुङमा अरिङगालले टोकेर एक जनाको मृत्यु भएको छ । पाँच जना...

शिक्षा पहिलो प्राथमिकतामा किन पर्दैन?

विषय प्रवेश : हरेक राजनीतिकर्मी, अधिकारकर्मी, समाजसेवी, बौद्धिककर्मीले विकास र समृद्धिका कुरा गर्दा, भाषण गर्दा...

जीवनकाे रङ्ग : बुटिक कलामा रम्दै मनि

फेशन डिजाइन र बुटिकले नङ र मासुको जस्तो सम्बन्ध कायम गरेको छ । फेसन डिजाइनिङ...

    हामिस‌ग जोडिनुहोस।

    समाचार सुचना र मनोरञ्जनका लागी