स्थानीय तहको निर्वाचनमा प्यूठानका ४ पत्रकारहरु निर्वाचित भएका छन । लामो सयम सम्म पत्रकारीता बाट समाज रुपान्त्रण गर्नमा सहजता प्रदान गर्ने पत्रकारहरु स्थानिय तहको नेतृत्व समाल्ने स्थानमा पुगेका हुन ।
जनताका विभिन्न समस्याहरु सरोकारवालाहरुलाई सजग बनाउनमा पत्रकारहरुको भुमिका निकै थियो । आज प्रस्न गर्ने पत्रकारहरुको नेतृत्वले जनताका समस्याहरुलाई कति सम्वोधन गर्छ भन्ने विषयमा मान्छेहरुमा चर्चा समेत चलिरहेको छ ।
लामो समय पत्रकारीता बाट राजनितिमा लागेका देवेन्द्र बर्मा प्यूठान नगरपालिकाको उप– प्रमुखमा निर्वाचित भएका छन । त्यस्तै नेपाल पत्रकार महासंघका प्यूठानका निर्वतमान अध्यक्ष महाविर राना पनि गौमुखी गाउँपालिकाको उपाध्यक्षमा निर्वाचित भएका छन । लोमो समय खरो पत्रकारीता गरेका नेपाल पत्रकार महासंघकाका सदस्य प्रमोद पोख्रेल पनि झिमरुक गाउकापालिकाको उपाध्यक्षमा निवाचित भएका छन । त्यस्तै जनताका प्रस्नहरुलाई बारम्बार सरोकारवालासंग छलफल गरी तिखा प्रस्न तेर्साउने नेपाल पत्रकार महासंघको पुर्व सह सचिव नोमराज पौडेल पनि मल्लरानी गाउँपालिकाको वडा अध्यक्षमा निर्वाचित भएका छन ।
यहाँ यो भएन त्यहाँ यो भएन भनेर बारम्बार कुरा उठाउँने पत्रकारहरु विकास निर्माण तथा योजनाको सकृय ठाउँमा पुग्दा यिनीहरु ले केहि गर्छनकी भन्ने कुरा चोक चोकमा चर्चा समेत हुन थालेको छ ।