त्यतिकै घर समय खेर फालेर के मिल्छ बरु आफनै मेहनत र परिश्रम गरी केही उत्पादनमुलक क्षेत्रमा लागी सबै पाउन सकिन्छ यो भनाई हो प्यू न पा ९ मजुवा निबासी ३७ बर्षिय नमा के सि को हो ।

च्याउ उत्पादन गरी राम्रो मुल्यमा बिक्रि हुन थालेपछि के सि यही पेशामा हाम फालेकी छिन हिजो आज स्थानीय स्तरमै च्याउको माग बढेपछि ग्राहकलाई च्याउ पुरयाउन निकै हम्मे हम्मे परेको छ ।

सुरुमा १५ वटा च्याउ फल्ने डल्ला बाट सुरु गरीएपनि अहिले ७५ वटा डल्ला बाट मासिक २० हजार सम्म कमाउछिन ।

सुरुमा जिल्ला लघु उद्यमी समुह संघको सहयोगमा तालिम पदान भयो उनले भनिन पछि व्यबसाय नै च्याउ उत्पादन गर्ने भयको छ । उनले च्याउ उत्पादन गरी बिक्रि वितरण गर्न थालेको ७ बर्ष भैसक्यो ।सुरुमा ड्रम,स्प्रे,ओदान, पराल काटने मेशिन तालिम प्रदान गर्ने संस्थाले उपलब्ध गरायपनि पराल,विउ लगायत च्याउ उत्पादन गर्न लाग्ने सरसामान जिल्ला भित्र बाट लिने गरेको के सि ले सुनाईन । व्यबसाय फैलदै गएपछि कमाई राम्रो हुदा छोराछोरी लाई काठमाण्डौ मा पढाउन सफल भएको उनले बताईन ।श्रीमान प्रा.बी शिक्षक हुनुहुन्छ ,उहाले कमाएको रकमले पारीबारीक गुजारा गर्न निकै धौ धौ हुने थियो । उनले भनिन च्याउ उत्पादन गर्न थालेपछि महिना महिनामा केटाकेटी ले पढने कोठा भाडा तिर्न धेरै सहज भएको बताइन । च्याउ उत्पादन गर्न थालेपछि निकै राम्रो भइरहेको छ, के सि ले भनिन सानो काम भएपनि आम्दानी ठिकै हुन्छ । च्याउ बिक्रि गरेको कमाइले काठमाण्डौमा छोराछोरीलाई कोठाभाडा तिर्न सहयोग भएको उनले बताइन । उत्पादन गरिएको च्याउ खोज्दै घरमै आउछन भने कहिलेकाही बा लिन आउछन् । कहिलेकाहि माग भयो भने बाग्दुला बजार सम्म पुर्याउछु । उनले भनिन् किनेर लैजाने भन्दा माग्ने उत्तिकै हुन्छन ।तर सिप सिक म सिकाउछु भन्छु भने पनि कसैले सिक्ने मन गर्दैनन ।

गत बर्ष जिल्ला कृषि बिकास कार्यालयमा अनुदान का लागि फारम भरेको थिय तर व्यबसाय नगर्ने लाइ सिफारीस गरीयो तर मलाई कुनै सहयोग प्राप्त नभएकोमा उनको सुनाइन । पहुच र भनसुनको आधारमा सहयोग पाउने परीपाटी नभई व्यबसाय गर्दै आएको लाई सहगोग हुन सकेमा आफु मात्र नभइ सबैलाइ राहत हुनेथियोकी के.सि ले बताईन । कहिलेकाही अनुकुल मौषमले गर्दा च्याउ कुहिने हुन्छ गत बर्ष २० हजार बराबरको च्याउ कुहिएपछि आधा बराबरको रकम वडा कार्यालय बाट सहयोग मिलेको के.सि ले खुसि व्यक्त गरीन । उत्पादन हुने च्याउ छिटो खराब हुने भएकाले केहि समय टिकाई राखि पछि सम्म बेच्न नसकिने भएकाले त्यस्तो खालको औजार भएमा धेरै संख्यामा च्याउ उमार्ने डल्ला बनाउने आशा रहेको छ ।