नेकपा एमालेका पोलिटव्यूरो सदस्य एवं विघठित प्रतिनिधि सभाका सदस्य सूर्य थापाले नेकपा एमालेले संविधानको रक्षा र विघठित प्रतिनिधिसभाको पूर्नस्थापनाका लागि देशव्यापी रुपमा जनप्रदर्शन गरेको बताएका छन् । प्यूठान सदरमुकाम खलंगामा आयोजित ¥याली तथा जनप्रर्दशनलाई सम्बोधन गर्दै थापाले भदौ २३ र २४ को विध्वंसपछि अरुको सातो गएको तर, एमालेले आफुलाई प्रतिगमन र प्रतिक्रान्तिविरुद्ध पूर्नजागृत गरेको बताए ।

प्रमुख बक्ताका रुपमा जनप्रदर्शनलाई सम्बोधन गरेका थापाले प्यूठान जिल्लामा आगजनी भएको ४ वटा पार्टी कार्यालयमध्य यौटामा नक्कली आगजनी र ३ वटामा सक्कली आगजनी भएको बताए । यौटा कार्यालयमा सामाग्रीहरु बाहिर निकालेर नक्कली आगजनी गरेको उनको दावि थियो । कुन कार्यालयमा नक्कली आगजनी गरिएको थियो भनेर स्पस्ट नखुलाएपनि थापाले नेकपा एमाले, नेपाली कांग्रेस र राष्टिय जनमोर्चाको पार्टी कार्यालय जनाउनेमाथि कारवाहि हुन्छ कि उदैन भनेर प्रश्न उठाएका थिए । भदौ २४ गदे एमाले, कांग्रेस, माओवादी केन्द्र र राष्टिय जनमोर्चाको कार्यालयमा आगजनी गरिएको थियो ।

थापाले भदौ २४ गते आगजनी, तोडफोड र लुटपाट गर्नेहरुलाई माफि माग्न र आत्मसर्मपण गर्न चेतावनी दिए । ऐन मौकामा माफि मागे र आत्मसर्मपण गरे क्षमा दिने भन्दै थापाले त्यसो नगरे घिसारेर कारवाहि गर्ने बताए । एमाले अहिले संयमित भएको बताउदै उने अपराधिहरुलाई नछोडिने बताए ।

भदौ २४ गते प्यूठानमा भएको आगजनी र तोडफोडमा संलग्नहरुलाई कारवाहि नगरे प्रशासन र सुरक्षा प्रमुहरुलाई आफूहरुले नोटिस गर्ने चेतावनी दिएका नेता थापाले कानुन विपरितका आदेश र परिपत्र पालना गर्न नहुने बताए । कार्यक्रमलाई सम्बोधन गर्दै उनले भने– ‘ यहाँको प्रशासक र सुरक्षा प्रमुख हरुलाई भन्न चाहन्छुः अरुका घरमा, कार्यालयमा आगजनी गर्नेहरुलाई अनुसन्धान, अभियोजन र कारवाहि गर्ने मुद्धा चलाउने कार्यमा तपाईहरुले आफ्नो कतव्य पुरा गर्नु हुन्छ कि गर्नुहुन्न ? हामिले हेरिरहेका छौँ । म भन्न चाहन्छु नेकपा एमालेको जिल्ला पार्टी कार्यालय सहिद उमेशचन्द्र स्मृती भवन लुटपाट र आगजनी गर्नेको भिडियो क्लिप हेरेर यहाँको प्रशासनले मुद्धा चलाउँछ कि चलाउँदैन ? राष्टिय जनमोर्चाको खलंगाको सहिद मित्रमणी आचार्यको नाममा बनेको जिल्ला कार्यालय आगजनी गर्नेलाई अनुसन्धान र कारवाहि गर्छ कि गर्दैन ? नेपाली काँग्रेस बाग्दुलाको पार्टी कार्यालय जलाउनेलाईं कारवाहि गर्छ कि गर्दैन ? म यो जिल्लाका जनताले निर्वाचित गरेको सांसदका हिसावले भन्न चाहन्छु यदि तपाईहरुले त्यो काम गर्नुभएन भने हामिले तपाईहरुलाई गो ब्याक भन्नुपर्ने हुन्छ । कसैका कानुन विपरितका आदेश र परिपत्रका आधारमा अपराधिको अनुसन्धान नगरेमा तपाईहरु पनि हाम्रो नोटिसमा हुनुहुनेछ ।’

भदौ २४ गते भएको घटनामा थापाले प्रहरी प्रकाशनको भुमिकामा प्रश्न उठाएका छन् । आगजनी गर्ने २०–४० जनालाई नियन्त्रण गर्ने तागन हुदाहुदै रमिते बनेको उनले बताए । “एमालेको कार्यालय आगजनी गर्दाका भिडियो, नेपाली कांग्रेसको भाडाको कार्यालय जलाउने हरुको भिडियो, राष्टिय जनमोर्चाको सिडियो कार्यालय पछाडी प्रहरी कार्यालयको ५ सय मिटरको दुरीमा रहेको कार्यालय जलाउन जाने हरुको भिडियोले के भन्छ ?” कार्यक्रमलाई सम्बोधन गर्दै थापाले भने– “त्यो आगजनी र लुटपाट कसले गरेको हो ? २०–४० जना नियन्त्रण गर्ने तागत थियो कि थिएन ? मलाई लाग्छ थियो । किन रमिते बनियो ?”

कार्यक्रममा नेकपा एमालेका नेताहरु हरि प्रसाद रिजाल, विजय विराज विष्ट, श्रीधर रोका, टेकराज केसी लगायतले सम्बोधन गरेका थिए ।