आनिवानि परिवर्तन तथा सरसफाई अभियान सुस्ताएकोप्रति जिल्लास्थित सरोकारवाला संस्थाका प्रतिनिधिहरुले चिन्ता व्यक्त गरेका छन्।
५ वर्षअघि जिल्लालाई पुर्ण सरसफाईयुक्त जिल्ला घोषणा गर्ने प्रतिवद्धता कार्यन्वयन नभएको भन्दै उनिहरुले सरसफाईप्रति स्थानिय सरकारले ध्यान दिनुपर्ने वताए।
उनिहरुले बजेट सडकमा मात्र नभई सरसफाईमा पनि खर्च गर्नुपर्ने सुझाव समेत दिएका छ्न।

२०६९ चैत्र १६ गते पुर्ण खुल्ला दिशामुक्त जिल्ला घोषणा गरिए पनि कागजमा मात्र सिमित भएको भन्दै दुरदराज मात्र नभई सहरी क्षेत्रमा पनि सरसफाईको अवस्था उस्तै रहेकोमा आपत्ति समेत जनाइएको छ।
नेपाल पत्रकार महासघको ६३ औं स्थापना दिबशको अबसरमा जिल्ला खानेपानी तथा स्व्च्छता समन्वय समितिको आयोजना ,फुलबारी ग्रामीण बिकास केन्द्र ,पहल र सुआहाराको सहकार्य र नेपाल पत्रकार महासघ प्युठानको समन्वयमा संचालित अन्तरक्रिया कार्यक्रममा बोल्ने बक्ताहरुले यस्तो बताएका हुन।
‌बिगतका दिनमा सरसफाईका कार्यक्रम गरिएपनि स्थानीय सरचनाको बिकास सगै अभियानले गति लिन सकेको छैन। अझै पनि सर्वसाधारणले विभिन्न समस्या भोग्नुपरेको जनाउदै जनताको सेवा र सहयोगमा हातेमालो गरि अगाडी बढ्नुपर्ने नेपाल पत्रकार महासघका प्युठानका अध्यक्ष महाबिर रानाले बताए । त्यस्तै घोषणाको समयमा सरोकारवाला निकायको सक्रिय रहेपनि अहिले यस्तो नपाईएको महासंघका निबर्तमान अध्यक्ष गिरुप्रसाद भण्डारीको धारणा छ ।
‌सरसफाईको कार्यक्रमलाई निरन्तर अगाडी बढाउन लागि सहभागीले हस्ताक्षर समेत गरेका छन।
‌स्थापना दिबशको अबसर पारी प्युठान अस्पतालमा रहेका बिरामीलाई फलफुल समेत बितरण गरिएको छ।