२०७९ चैत ०७ प्यूठान नौबहिनी गाउँपालिकाले बाख्रापालन समुहलाई बोयर बोका वितरण गरेको छ । पालिकाले यस आर्थिक वर्षको बजेट मार्फत ११ वटा बाख्रापालन समुहलाई अर्घाखाँचीबाट बोयर बोका खरिद गरेर वितरण गरेको प्रमुख प्रशासकीय अधिकृत शिवराज पौडेलले जानकारी दिए ।
भुमेधारा कृषि तथा पशुपालन कृषक समुह नौबहिनी ६, पिनारा पशुपंक्षि कृषक समुह नौबहिनी २, लेकबेशि कृषि तथा पशुपालन कृषक समुह नौबहिनी ३, माक्रे कृषि तथा पशुपंक्षि कृषक समहु नौबहिनी ६, सुनौलो कृषि तथा पशुपंक्षि कृषक समुह नौबहिनी २, मिलीजुली कृषि तथा पशुपंक्षि कृषक समुह नौबहिनी ६, हित कृषि सहकारी संस्था नौबहिनी ८, घोबांगें देविस्थान कृषि तथा पशुपालन कृषक समुह नौबहिनी ७, भेन्डा कृषि तथा पशुपालन कृषक समुह नौबहिनी ५ भुमेथान पशुपालन कृषक समुह नौबहिनी ५ र सूर्यचन्द्र कृषि तथा पशुपालन कृषक समुह नौबहिनी ५ लाइ बोका प्रदान गरिएको छ । व्याड बोका पाएपछि किसानहरु उत्साहित भएका छन् ।
स्थानीय खरी र जमुनापारी जातका बाख्रामा बोयरक्रस गराएर उत्पादन बृद्धि गर्ने उदेश्यले ७५ प्रतिशत अनुदानमा व्याड बोका किसानलाई वितरण गर्ने कार्यक्रम बनाएको नौबहिनी गाउँपालिकाका अध्यक्ष डिलबहादुर थापाले बताए ।
पालिकाको तथ्यांकअनुसार नौबहिनीमा २८ वटा बाख्रापालन समुह दर्ता भएका छन् । समुहमा १५ देखि २५ जनासम्म सदस्य आवद्ध छन् । पालिकाले दिएको व्याड बोका मार्फत बाख्रापालन फस्टाउने आसा गरेको व्याड बोका बुझ्न आएका भेन्डा कृषि तथा पशुपालन कृषक समुहका अध्यक्ष दुर्घबहादुर घर्तीले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
