स्वर्गद्वारी नगरपालिका वडा नम्बर ४ गोठिबाङमा बसले मोटर साइकललाई ठक्कर दिएर एक विद्यार्थीको मृत्यु भएको छ ।

शुक्रबार बिहान एसईई परीक्षा दिएर घर फर्कर्दै गरेका प्रतीक घर्तीको मृत्यु भएको प्रहरीले जनाएको छ ।

दुर्घटनामा घाइते घर्तीको जिल्ला अस्पताल बिजुवारमा उपचारकोक्रममा मृत्यु भएको जिल्ला प्रहरी कार्यालय प्यूठानका प्रहरी प्रमुख डिएसपी सुवास खड्काले जानकारी दिए ।
विद्यानन्द मा वि जुडापाँटा परीक्षाकेन्द्रमा एसईई परीक्षादिन गएका विद्यार्थी लिन गएको लोक चेतना एकेडेमी भिंगृको लु १ क १०९४ नम्बरको बसले स्वर्गद्वारी नगरपालिका वडा नम्बर ४ को कार्यालय अगाडि लु ६६ प ५३४९ नम्बरको मोटर साइकललाई ठक्कर दिएको थियो ।

बेल्बास माध्यामिक विद्यालय तापामा अध्ययनरत १५ वर्षीय प्रतिकले विद्यानन्द मा.वि परीक्षा केन्द्रमा एसईई परीक्षा दिएर फर्कने त्रममा दुर्घटना भएको प्रहरीले जनाएको छ । मोटरसाइकलमा सवार अर्का एक जना घाइते छन् ।

उनको जिल्ला अस्पताल बिजुवारमा उपचार भइरहेको प्रहरीले जनाएको छ ।

ठक्कर दिने बस र चालकलाइ अनुसन्धानको लागि प्रहरीले नियन्त्रणमा लिएको जनाएको छ ।