प्यूठानमा नवविवाहिता दुलहीलाई बिमा पोलिसि उपहार प्रदान गरिएको छ । झिमरुक गाउँपालिका-५, निवासी शिक्षक सरिता जि.सि.ले भाईको बिवाहमा भाइ बुहारीलाई बिमा पोलिसी उपहार दिएकी हुन् ।
प्यूठान न.पा.-१, खैरा निवासी प्रमोद जि.सि.को हालै करुणा के.सि.सँग बिवाह भएको थियो । भाइ बुहारीको मुख हेर्ने प्रचलन अनुसार उपहार दिने चलन रहेकोमा जि.सि.ले बुहारीलाई ३ लाख बिमाङ्कको बिमा पोलिसि उपहार प्रदान गरिएको हो ।
बैवाहिक जीवन र जीवन बिमाको महत्व बढोस भन्ने उद्धेश्यले आफूले सुर्यज्योति जीवन बिमा कम्पनी मार्फत बिमा पोलिसी उपहार दिएको सरिता जि.सि.ले बताइन् । पछिल्लो समय बिवाह, ब्रतबन्ध, जन्मदिन लगायत सामाजिक कार्य गर्दा फजुल खर्च गर्नुको सट्टा दैनिक जिवनसँग सहज हुने गतिविधि गर्नुपर्ने उनको भनाई छ ।
जिल्लामा उपहार दिँदा बिमा पोलिसिको प्रचलन नयाँ अभ्यास सुरु भइरहेको शाखा प्रमुख धर्मराज अधिकारीले जानकारी दिए । नयाँ परिपाटीको विकास भएको बताउँदै प्रमुख अधिकारीले बीमा जोखिम व्यवस्थापनको महत्वपूणर् औजार भएकाले बीमालाई फाइदाको रुपमा लिनुपर्ने बताए ।
मानविय समाजमा विपत्ति, जोखिमका अनेकौं सम्भावनाहरु जहि तहि रहने भएकाले बीमा सबै र सधैका लागि अपरिहार्य रहेको उनको भनाई छ । भाई बुहारीलाई बिमा उपहार दिनुहुने सरिता जि.सी. सुर्यज्योति जीवन बिमामा कार्यरत एजेन्सि म्यानेजर हुन भने शिक्षण पेशामा कार्यरत उनि सामाजिक व्यक्तित्वको रुपमा परिचित छिन् ।
