नपाली कांग्रेसका केन्द्रिय सदस्य तथा नेपाली कांग्रेस संसदीय दलका प्रमुख सचेतक रमेश लेखकले प्यूठान जिल्लाको लागि विकासका पहलहरुमा आफु अग्रसर हुने बताएका छन् । नपाली कांग्रेस स्वर्गद्धारी नगर समितिको आयोजनामा भएको कार्यकर्ता भेटघाट तथा अन्तरक्रिया कार्यक्रममा बोल्दै प्रमुख सचेतक लेखकले यस्तो बताएका हुन् । उनले जिल्लालाई विकासको गतिमा अगाडी बढाउने र पार्टीलाई बलियो बनाई एकताबद्ध कांग्रेस बनाउन समेत कार्यकतालाई आग्रह गरेका छन् ।

तत्कालिन भौतिक तथा पूर्बाधार यातायात मन्त्रालयबाट विनीयोजन भएको बजेट अनुसार स्वार्गद्धारी नगरपालिका भित्र पर्ने माडि खोला पूल,सारी खुग्री पक्कि पुल र भिंग्री जलुके बेल्बास नल्सि पक्कि पुल यी आयोजना विगत ६ बर्षदेखी अलपत्रमा परेका छन् । ठेकेदारको लापरबाहीले गर्दा विगत देखी नै यी आयोजना अघि बढ्न नसकेको स्वर्गद्धारी नगरसभापति तथा ५ नं वडा अध्यक्ष गिर बहादुर घर्ति मगरले जानकारी दिए । साथै यो कामलाई तत्काल अगाडी बढाउन आफु निर्वाचित भए पछि सम्बन्धित कार्यालय, मन्त्रालय लगायत विभिन्न दलका नेतासँग पहल गरेको पनि नगरसभापति घर्तिले बताए ।

नेपाली कांग्रेस स्वर्गद्धारी नगरसभापति गिर बहादुर घर्ति मगरको अध्यक्षतामा भएको कार्यक्रममा नपाली कांग्रेसका केन्द्रिय सदस्य तथा नेपाली कांग्रेस संसदीय दलका प्रमुख सचेतक रमेश लेखक, नेपाली कांग्रेस प्यूठानका पूर्व सभापति एंव नेपाली कांग्रेस लम्बिनी प्रदेश कमिटी सदस्य अमर प्रसाद भण्डारी लगायतको सहभागिता रहेको थियो भने कार्यक्रमको सञ्चालन नगर उपसभापति मदन प्रसाद पोख्रेल, स्वागत मन्तव्य जिल्ला सदस्य दामोदर कालाथोकिले गरेका थिए ।