मल्लरानी गाउँपालिका –३ मा रहेको रोटेखोला खानेपानी आयोजना मार्फत पुर्वी प्यूठानको चँुजाठाटीमा बजारमा एक घर एक धारा कार्यक्रम सम्पन्न भएको छ । अहिले स्थानीयहरुले न्युनतम शुल्क तिरेर खानेपानी उपभोग गर्न पाएका छन् । २०७६ सालमा सांसद बिकास कोषबाट १९ लाख र खानेपानी डिभिजन कार्यालय प्यूठान बाट ४ लाख गरि २३ लाखमा काम थालनी गरी २०७८ सालमा काम सम्पन्न भएको थियो । जहाँ स्थानीयहरुले २० लाख वरावरको जनश्रमदान गरेका थिए ।

अहिले उक्त खानेपानी योजनाबाट चँुजाठाटीमा एक घर एक धारा सम्पन्न भएपछि स्थानीयहरु खुसी छन् । योजनाको काम सम्पन्न भएपछि अहिले ८५ वटा घरमा धारा  जडान गरिएको छ । उपभोक्ताहरुले प्रति युनिट १० रुपैयाको दरले पानी उपभोग गर्दै आएको खानेपानी आयोजना समितिका अध्यक्ष जिवन केसीले बताए । उक्त खानेपानी ऐरावती गाउपालिका – ६ र मल्लरानी गाउपालिका –२ का केहि स्थानीयहरुले समेत उपभोग गर्न पाएका छन् । साथै प्रत्य ेक घरमा खानेपानीको पहुच पु¥याउनको लागी आफुहरु लागेको मल्लरानी गाँउपालिका– ३ का वडा अध्यक्ष नोमराज पौडेलले बताए ।