२०८१ श्रावण ३१रोल्पा र प्यूठान प्रवेश गर्ने मुख्य सडक भएकाले भालुबाङ प्यूठान सडक खण्डमा सवारी चाँप धेरै छ । तर, त्यसलाई थेग्न सक्नेगरी फराकिलो सडक छैन् । सवारी व्यवस्थापन पनि चुस्त छैन । यसले गर्दा कहींकतै एउटा गाडी बिग्रियो वा सडकमा पहिरो गयो भने यो सडकमा यात्रा गर्ने सबै यात्रु अलपत्र पर्दछन् । पहिरो खस्यो भने खुल्न घण्टौं लाग्छ । सडकको स्तरोन्नतीको काम चल्दा कहिलेकाहीं घण्टौंसम्म सडक बन्द गरिन्छ । जसले गर्दा यात्रुको यात्रा अवधि अनावश्यकरूपमा लम्बिन्छ, जोखिम पनि बढ्छ । मुख्य विषय, सडकको अवरोध छल्न वैकल्पिक मार्ग छैन । यो सडकमा यात्रामा कोहि निस्कियो की धेरैको मन पिरोलिरहन्छ । बड्डाँडा देविस्थान सडक क्षेत्रमा पहिरो खस्यो होला की नाइ ? समयमै यात्रा गर्न पाइएलाकी नाइ भन्ने । बर्खाको समयमा भालुबाङ–प्यूठान सडकमा यात्रा गर्ने यात्रु सबैजना यही चिन्ताका विच यात्रा गर्नु पर्छ ।
वाटो अवरुद्ध हुँदा पटक पटक एम्वुलेन्स, दमकल, तरकारी तथा दूधका गाडिहरु रोकिदा धेरै समस्या भइरहन्छन् । जोखिम उत्तिकै छ । हरेक बर्ष बर्षायामको सुरुवात संगै प्यूठानको गर्जेनी गर्जिरहने समस्या दोहोरिन्छ । दैनिक सयौँ यात्रु आवतजावत गर्ने भालुवाङ प्यूठान सडक खण्डमा सर्वसाधारण मात्र होइन यो देश हाँक्ने राजनीतिज्ञ हरु र प्रशासकहरु पनि हिडिरहन्छन् । तर, सवैले देखेपनि गर्जेनिको समस्या समाधान गर्ने दियो योजनाबारे सोचेको देखिदैन ।
भालुवाङ–चकचके खण्डमा पर्ने गर्जेनी, खहरे भिर, गनाहा खोला लगायतका ठाँउहरु निरन्तर पहिरोले अवरुद्ध गर्ने जोखिमपूर्ण ठाउँ हुन् । बर्षाको समयमा गर्जिरहने गर्जेनीमा प्यूठान र रोल्पाका यात्रुले सास्ती खेप्दै आएका छन् । यो बर्खामा आएको पहिरो हटाउन मात्र तीन लाख भन्दा बढि खर्च भएको सडक डिभिजन कार्यालय प्यूठानले जनाएको छ ।
यही गर्जेनीमा २०६१ माघ ८ गते दाङबाट प्यूठान टारी दुलही ल्याउदै गर्दा जन्तीबस दूर्घटना भएको थियो । यो घटनाले आमरूपमा चर्चा पायो र देशलाई नै शोकाकुल बनायोरपनि यसयतापनि बैकल्पिक सडकबारे सोचिएन । यो सडक अन्तर्गत बड्डाँडा देविस्थान क्षेत्र निकै जोखिम छ । यसको बैकल्पिक रुड खोज्न जरुरी छ । कुडुले–छतीवन–दमार–कालिखोला–एकचोटे हुँदै चकचके समानान्तर सडक निर्माण गर्न सकिन्छ । जसमध्ये चकचके–एकचोटे–कालिखोलासम्मको माण्डबी गाउँपालिका क्षेत्रसम्मको सडक ट्याकओपन भइसकेको छ । कालिखोला– छतीवन दमार सडक निर्माण गरेर कुडुले छतीवन माडिखोलामा पुल निर्माण गर्दा बैकल्पिक सडक निर्माण हुन जान्छ ।
प्रदेश सरकार मार्फत बजेट आएर कुडुले–छतीवन दमारपुलको लागि टेन्डर आव्हान गरि सम्झौता समेत भएको छ । तर, कार्यन्वन गर्न सकेको छैन् । यो योजना कार्यन्वन गराउन जिल्लाका सरोकारवाला निकाय चनाखो भएर लाग्नुपर्छ । प्यूठान–भालुबाङ सडक यात्रा सहज बनाउन अब बैकल्पिक सडक निर्माणको विकल्प छैन । यसमा सबैको ध्यानजावस् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
