News Portal

रेडियो सुन्नुहोस्

प्यूठानमा ३ सय २८ जोडीले गरे सम्बन्ध विच्छेद

बाेमबहादुर परियार२०८२ भदाै १८ गते
१३४० पटक
२०८२ भदाै १८ गते

प्यूठानमा सम्बन्ध विच्छेद गर्नेहरुको संख्या बढेको छ । आर्थिक वर्ष २०८१-८२ मा ३ सय २८ जोडीले सम्बन्ध विच्छेद गरेको जिल्ला अदालत प्यूठानले जनाएको छ ।
आर्थिक वर्ष २०८०-८१ मा २ सय ६६ जोडीले सम्बन्ध विच्छेद गरेका थिए । अघिल्लो बर्ष भन्दा यस वर्ष ६२ जना बढिले सम्बन्ध विच्छेद गरेको जिल्ला अदालत प्यूठानका श्रेस्तेदार राजेन्द्रकुमार शर्माले जानकारी दिए । ३० बर्ष मुनिका महिलाहरु बढि सम्बन्ध विच्छेद गर्न आउने गरेको तथ्यांक कार्यालयमा रहेको श्रेस्तेदार शर्माले बताए ।

पछिल्ला वर्षहरुमा सम्बन्ध विच्छेद समाजमा विकृतिको रुपमा देखिएको अधिवक्ता रामेश्वर सुबेदी बताउँछन् । ‘वैदेशिक रोजगारीमा गएर पुरुषले कमाएको पैसा श्रीमतीले हिसाब दिन सक्दैनन् । परपुरुषसँग लागेको आरोप लाग्छ । यसले परिवारमा कलह भएको देखिन्छ,’ सुबेदीले भने,‘पतिपत्नी बिचको दुरी टाढा राख्ने जस्ता प्रवृत्तिले गर्दा सम्बन्ध विच्छेदको घटना बढेका हुन् ।’ उनले सम्बन्ध विच्छेदले समाजमा नराम्रो असर निम्त्याएको बताए ।

मनोपरामर्शदाता शान्ति पण्डितले सम्बन्ध विच्छेदको मुख्य कारण बालविवाह भएको बताइन् । उनले हिंसा, मानसिक हिंसा, आर्थिक स्वतन्त्रता र आत्मनिर्भरता, समाजमा लागु पदार्थको अत्यधिक प्रयोग, विवाह पछि अनैतिक सम्बन्ध र वैदेशिक रोजगारीको कारणले समेत सम्बन्ध विच्छेदको घटना बढेको बताइन् । हालको कानुनमा सम्बन्ध विच्छेद गर्न सजिलो भएकाले यसको न्यूनिकरणको लागि कडा कानुन बनाउन आवश्यक रहेको मनोपरामर्शदाता पण्डितको भनाई छ।
९ स्थानीय तह रहेको प्यूठानमा यस वर्ष २ हजार ८ सय ५९ जोडीले विवाह दर्ता गरेको स्थानीय तह पञ्जिकरण शाखाले जनाएका छन् ।

 

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

दहखोलामा सिद्ध मन्दिर उद्घाटन गरिदै, दशनामी गिरीहरूको कुलपूजा हुने

झिमरुक गाउँपालिका–६, दहखोलास्थित नवनिर्मित श्री सिद्ध मन्दिरको उद्घाटन तथा दहखोलाका दशनामी महन्त गिरीहरूको कुलपूजा भोलि...

खलंगामा तीन वामपन्थी दलको संयुक्त कार्यक्रम सम्पन्न

प्यूठानका तीन वामपन्थी दलको संयुक्त आयोजनामा शुभकामना आदानप्रदान कार्यक्रम सम्पन्न भएको छ। नेकपा (एमाले), राष्ट्रिय...

नेकपा झिमरुकद्वारा जागरण अभियान उद्घाटन

नेपाली कम्युनिष्ट पार्टी झिमरुक गाउँपालिका कमिटीले दुई महिने राष्ट्रिय जागरण अभियान सुरु गरेको छ ।...

नेकपाद्वारा प्यूठानमा राष्ट्रिय जागरण अभियानको उद्घाटन

नेपाली कम्यूनिष्ट पार्टीले प्यूठानमा राष्ट्रिय जागरण अभियानको उद्घाटन गरेको छ। सोमबार विजुवार स्थित सहिद प्रतिष्ठानको...

विजयपथ कप–२०८३ को उद्घाटन, १० टोलीको सहभागिता

प्यूठान नगरपालिका वडा नं. ३ विजयनगरको आयोजनामा सञ्चालन हुन लागेको अन्तरपालिका स्तरीय पुरुष भलिबल प्रतियोगिता...