२०८२ भदाै १८ गते गौमुखी गाउँपालिकाले मनाउन थालेको गौमुखी पर्यटन भ्रमण वर्ष २०८२ को अवसरमा पत्रकार महासंघले सहकार्य गर्ने भएको छ ।
गाउँपालिका भित्रका धार्मिक एवं पर्यटकिय ठाउँलाई चिनाउन नेपाल पत्रकार महासंघ प्यूठानले प्रचार प्रसार गरी भ्रमण बर्षलाई सफल बनाउन सहकार्य गर्ने भएको हो ।
गौमुखी गाउँपालिका र नेपाल पत्रकार महासंघ प्यूठानले छलफल गरी सहकार्य गर्ने निर्णय गरेकाे नेपाल पत्रकार महासंघ प्यूठानका अध्यक्ष श्रीराम भन्डारीले जानकारी दिए। जिल्लाका पत्रकार र मिडियाहरुसंग छलफल गरी भ्रमण बर्षलाई सफल पार्न सहयोग र सहकार्य गर्ने उनले बताए ।
१ लाख पर्यटक गौमुखीमा भित्राउने गरी भ्रमण बर्ष मनाउन लागिएको गौमुखी गाउँपालिकाका उपाध्यक्ष महाविर रानाले जानकारी दिए ।
गौमुखी गाउँपालिकाभित्र गौमुखी ,बाइसमुल झरना,झाँक्री ढुङ्गा , पुजा तामाखानी, गुफा, रानीताल, गोन्द्रेचौर, लगायत पर्यटकिय क्षेत्रहरु रहेका छन् । ७ वटा वडा रहेको गौमुखी गाउँपालिकाका विभिन्न पर्यटकिय गन्तव्यलाई चिनाउने गरी पालिकाले बजेट निर्माण गरेको पालिकाले जनाएकाे छ ।
पालिकाले भ्रमण बर्षका अवसरमा पर्यटकलाई ट्रेकिङ मार्फत गौमुखीका रमणीय दृश्य अवलोकन गराउने लक्ष्य लिएको छ । स्थानीय कला संस्कृतिको जगेर्ना गर्दै, भ्रमण बर्ष सफल पार्न पत्रकारहरुको भुमिका महत्वपुर्ण रहने उपाध्यक्ष रानाकाे भनाई छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
