झुलेनी नेटवर्क२०८१ असोज ३
२०८१ असोज ३संविधान दिवस तथा राष्ट्रिय दिवसको अवसरमा माण्डवी गाउँपालिकामा रक्तदान कार्यक्रम गरिएको छ ।
माण्डवी गाउँपालिकाको आयोजना , नेपाल रेडक्रस सोसाइटी प्यूठान जिल्ला शाखाको प्राविधिक सहयोग र नेपाल स्वयंसेवी रक्तदाता समाज प्यूठान जिल्ला शाखाको सहजिकरणमा खुल्ला रक्तदान कार्यक्रम गरिएको गाउँपालिका अध्यक्ष नमराज अधिकारीले बताए ।
रक्तदान गरेपछि माण्डवी गाउँपालिकाका अध्यक्ष नमराज अधिकारीले सबै समुदायको साझा प्रयास, सङ्घर्ष त्याग र बलिदानमा यो व्यवस्था आएको भन्दै संविधान दिवसको अवसरमा सबैलाई शुभकामना दिए ।
कार्यक्रममा माण्डवी गाउँपालिका अध्यक्ष नमराज अधिकारी, प्रमुख प्रशासकीय अधिकृत प्रकाश पाण्डे , प्रवक्ता जितामित्र सुनार , सुरक्षाकर्मीहरू , स्थानीयवासी सहित २० जनाले रक्तदान गरेका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
