बैंक तथा वित्तिय क्षेत्रले जनतालाई दुःख दिएको भन्दै नेपाल कम्युनिस्ट पार्टी (बहुमत)ले यो कार्यलाई तत्काल रोक्न सुझाव दिएको छ ।

ऋण लिएका जनतालाई अनेक यातना दिने, घरमा ताला लगाइदिने, पशुधन फुकाएर लैजाने जस्ता क्रियाकलापले मानसिक चिन्ता बढेको भन्दै उक्त पार्टीले त्यस्ता कार्यहरु रोक्न लुम्बिनी प्रदेशका सवै जिल्ला प्रशासन कार्यालयमा ज्ञापनपत्र बुझाएको जानकारी दिएको छ ।

सबै बैंक तथा वित्तिय संस्थामा ब्याजदर एक अंकमा र स्थिर हुनुपर्ने, कुनै पनि चल अचल सम्पत्ति लिलाम गर्न नपाईने, विगतमा भएका लिलाम खारेज गर्नुपर्ने लागतका मागहरु राखिएको नेकपा (बहुमत) लुम्बिनी प्रदेश व्यूरो सदस्य सजक बागचनले बताए ।

शनिबार प्यूठानको जुम्रीमा पत्रकार भेटघाट गरी उक्त पार्टीले आफ्ना मागहरु कात्तिक १ गतेदेखि नै पुरा गर्न आग्रह गरेको र नगरेको खण्डमा उत्पन्न परिस्थितीको जवाफदेहि बैंक तथा वित्तिय संस्था नै हुने बताएको छ ।