झुलेनी नेटवर्क२०८२ असार ३१
२०८२ असार ३१ईजरायलबाट फर्किएका एक युवकले आफु बैदेशिक रोजगारीमा रहेको बेला दोश्रो विवाह गरेकी पूर्वश्रीमतिको हत्या गरेका छन् ।
ऐरावती गाउँपालिका वडा नं २ कात्तिके निवासी लिला बहादुर बरालले सरुमारानी गाउँपालिका ३ गोठेरीमा पूर्व श्रीमति रुकमनी बरालको चक्कुले घाँटी रेटेर हत्या गरेका हुन् ।
आफन्तको घरमा गएको बेला धारीलो हतियारले हत्या भएको र हत्यामा संलग्न युवक पक्राउ परेको प्रहरीले जनाएको छ । पूर्व बैवाहिक सम्बन्धका कारण घटना घटेको प्रारम्भिक अनुसन्धानबाट देखिएको जिल्ला प्रहरी कार्यालय प्यूठानका प्रमुख डिएसपी दिपेश बस्यालले बताए ।
लिला र रुकमनीबाट दुई सन्तान छन् । गत बैशाखमा रुकमनीले दोश्रो बिबाह गरेको स्थानीयले बताए । लिला बहादुर अघिल्लो हप्ता मात्र ईजरायलबाट फर्किएका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
