महेश थापा२०७८ भाद्र २१
२०७८ भाद्र २१जिल्लाको नौबहिनी गाउँपालिका-६, बल्लेखोलामा सोमवार बिहान वेवारीसे सव भेटिएको छ । वेवारीसे सव कसको र कहाँबाट बगाएको भन्ने खुलेको छैन । अहिले घटना स्थलमा प्रहरी पुगेको छ । गएरातीदेखि लगातार परेको अविरल वर्षाका कारण जिल्लाका दर्जनौ ठाउँमा पहिरोले क्षति पुर्याएको छ । नौबहिनी गाउँपालिका-१, स्याउलीवाङमा ३ वटा घर भत्किएको प्रहरीले जनाएको छ । घरमाथिबाट आएको पहिरोले हुमललाल सुनार, इन्द्र बहादुर सुनार र धन बहादुर वुढाको घर भत्किएको हो।
घर भत्किदा स्याउलीवाङ सरीमाका प्रेम सुनार घाइते भएका छन् । राती पहिरोको कारण घर भत्किएर पुरीएका सुनारलाई स्थानीयले उद्वार गरेका हुन् । सुनारको स्थानीय मेडिकलमा उपचार भइरहेको छ । पहिरोले क्षति भएको विवरण संकलन भईरहेको जिल्ला प्रहरी प्रमुख डिएसपी सुनिल मल्लले जानकारि दिए ।
