झुलेनी नेटवर्क२०७८ असौज २६, प्यूठान
२०७८ असौज २६, प्यूठानमुगुको छायाँनाथ रारा नगरपालिका–७ मा यात्रुवाहक बस दुर्घटना हुँदा २२ जनाको मृत्युभएको छ । १८ जना घाइते भएका छन्। नेपालगन्जबाट मुगुको सदरमुकाम गमगढी जाँदै गरेको भे १ ख १६७ नम्बरको बस पिना झ्यारीखोलामा दुर्घटना भएको हो ।
मुगुका प्रमुख जिल्ला अधिकारी रोमबहादुर महतले २२ जनाको दुर्घटनामा परी मृत्यु भएको सूचना आएको जानकारी दिए । उनका अनुसार घटनामा मृत्यु भएको विवरण संकलन गर्ने काम भइरहेको छ ।
नेपालगञ्जबाट दसैंका लागि घर हिँडेका यात्रु लिएर गमगढी जाँदै गरेको बस पिनामा दुर्घटना भएको प्रहरीले जनाएको छ । दुर्घटनामा घाइते भएकालाई अस्पताल लैजाने क्रम जारी छ । जिल्ला अस्पताल मुगुका डाक्टर तथा नर्स घाइतेको उपचारका लागि तयारी अवस्थामा छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
