नेपाली कांग्रेस प्युठानको क्षेत्रिय अधिवेशन अन्योलमा परेको छ।
क्षेत्र नं. १ र २ को क्षेत्रिय अधिवेशनलाई सर्वसम्मत गर्ने भन्दै जिल्ला नेताहरु छलफलमा जुटेपछि अधिवेशन नै प्रभावित भएको हो।
क्षेत्रिय प्रतिनिधिहरु आफ्नो नेतृत्व चयन गर्न जुटेपनि बाग्दुलामा अलपत्र परेका छन्। आइतवार सम्म सक्नुपर्ने कार्यतालिका भएता पनि शेर बहादुर देउवा पक्ष र देउवा इतरका नेताहरु वीच विवाद हुँदा अधिवेशन अन्योलमा परेको श्रोतले जानकारी दिएको छ।
जिल्लालाई सर्वसम्मत बनाउने गरि केहि नेताहरुको वीचमा काठ्माण्डौमा सहमति गरेको भनिएता पनि त्यसको कार्यान्वयनमा विवाद हुँदा समयमा कार्यतालिका अनुसार अधिवेशन सुरु हुन सकेको छैन। जिल्लाका शिर्ष नेताहरु सर्वसम्मत बनाउन छलफलमा जुटेका छन् भने अधिवेशन सम्पन्न गर्न जुटेका प्रतिनिधिहरु नेताहरुको निर्णय कुर्दै बाग्दुलामा अन्योलमा परेका छन्। जिल्ला अधिवेशनकाे कार्यतालिका अनुसार अाज मनाेनयन समेत हुन सकेकाे छैन।