निर्माण व्यवसायी संघ प्यूठानको अध्यक्षमा नविन कुमार श्रेष्ठको अध्यक्षतामा नयाँ नेतृत्व निर्वाचित भएको छ । संघको पाँचौ अधिवेशनबाट श्रेष्ठको नेतृत्वमा १५ सदस्यीय पदाधिकारी निर्वाचित भएका हुन् । निर्वाचित अध्यक्ष निवर्तमान कोषाध्यक्ष हुन् ।

संघको वरिष्ठ उपाध्यक्षमा प्रेम प्रसाद पण्डित, द्वितीय उपाध्यक्ष शोभाराम न्यौपाने, महासचिव नारायण ज्ञवाली, सचिव केशव खड्का, कोषाध्यक्ष विशेक थापा निर्वाचित भएका हुन् । सदस्यहरुमा कृष्ण कर्माचार्य, हिरालाल गिरी, सुरेश अधिकारी, कमल श्रेष्ठ, अर्जुन श्रेष्ठ, अर्जुनसिंह बि.क., सुर्य बहादुर कुवर, खगेश्वर थापा, रेगम कुवर निर्वाचित भएका हुन् ।

संघको दशौं साधारण सभा हिँजो सम्पन्न भएको हो भने पाँचौ अधिवेशनको बन्द सत्र आइतवार दिउँसो सम्पन्न भएको हो ।

माओवादी निकट व्यवसायीहरु बाहिरिए :

निर्माण व्यवसायी संघ प्यूठानमा आवद्ध नेकपा माओवादी केन्द्र निकट व्यवसायीहरु बाहिरिएको घोषणा गरेका छन् । हाल नेतृत्वमा रहेको समितिले पद बाँडफाँड लगायत विविध कार्यको विषयमा आरोप लगाउँदै आफूहरु प्रतिपक्षमा बस्ने निर्णय गरेको व्यवसायी मुकेश थापाले बताए ।