प्यूठान नगरपालिका वडा नं. ५ जुर्मीकाडाले चाम्जा बालविकास केन्द्रका ३६ जना बालबालिकालाई एक सेट बिद्यालय पोसाक वितरण गरेको छ । दुर्गम स्थानका बालवालिकाहरुको अवस्थालाई मध्यनजर गर्दै चाम्जा वालविकास केन्द्रमा अध्यनरत बालवालिकाहरुलाई विद्यालय सम्म ल्याउन , उत्साहित गर्न र पढाई प्रति थप आर्षित बनाउनका लागि एक सेट बिद्यालय पोसाक अर्थात जर्सी वितरण गरेको प्यूठान नगरपालिका वडा नं.५को कार्यलयले जनाएको छ । आईतबार प्यूठान नगरपालिका वडा नं. ५ का वडा अध्यक्ष लक्षुमण भण्डारीले चाम्जा बालविकास केन्द्रमै पुगेर पोसाक वितरण गर्नुभएको हो ।
प्यूठान नगरपालिकाले नगर भित्रका अन्य स्थानको तुलनामा चाम्जा क्षेत्रलाई अति दुर्गम स्थानको सुचीमा राखेको छ । त्यस्तै वडाले आगामी आर्थिक वर्षमा आफ्नो वडा भित्रका अन्य स्थानमा पनि बालवालिकालाई जर्सी वितरण गर्ने वडा अध्यक्ष लक्षुमण भण्डारीले बताउनुभयो ।