स्वर्गद्वारी नगरपालिका-१ कोचिवाङ प्यूठानका वडा सदस्य नारायण पुनमगर धन कमाउन विदेश पलायन भएका छन् ।
अाफ्नाे दैनिकी र घरव्यवहार चलाउन समस्या भएपछि निर्वाचित वडा सदस्य पुन मगर कुवेत गएका हुन् । उनी रोजगारीका लागि यसअघि समेत विदेश जाने गरेका थिए ।

उनी कुवेत पुगेका दुई महिना पुगिसकेको जानकारी अाएकाे छ । तर, उक्त वडाका वडा अध्यक्ष मेघराज जिसीले विदेश पुगेपछि मात्र
अाफूलार्इ थाहा पाएको प्रतिक्रिया दिए । ‘कुवेत पुगेपछि मात्र थाहाँ पाएँ’, भनेर उहाँ भन्नुहुन्छ ‘जान्छु पनि नभनी जानुभएछ भनेर गुनासाे गर्नुहुन्छ वडा अध्यक्ष जिसि ।’

विदेश पुगेपछि पुनमगरले फोनमा आफूसँग चुनावमा उठेर गल्ती गरेको प्रतिक्रिया दिएको समेत सुनाए। वडा अध्यक्षमार्फत पुनमगरले जनतालाई धोका दिएकोप्रति क्षमा मागेका छन् ।

उनका घरमा बुवा÷आमासहित श्रीमती र एक छोरा छन्। घरव्यवहार धान्ने एक्लो जिम्मा पुनमगरकै काँधमा रहेको वडा अध्यक्ष जिसीले बताए । स्थानीय तह निर्वाचनमा पुनमगर राष्ट्रिय जनमोर्चाबाट ६ सय २७ मत ल्याएर वडा सदस्यमा विजयी भएका थिए ।