प्यूठानमा साहित्य महोत्सव हुने भएको छ ।

आगामी कार्तिक ५ गते देखी ७ गते सम्म महोत्सव संचालन हुने भएको हो ।

जिल्लाको जिवन, संस्कृति, भाषा, कला, समाज तथा राजनितीलाई साहित्यको माध्यमबाट उजागर गर्ने उद्देश्यले महोत्सव गर्न लागिएको साहित्य परिषद प्यूठानले जनाएको छ ।

महोत्सवमा देशका विभिन्न ठाउँहरुबाट साहित्यकार, कलाकार, बुद्धिजिवीहरुलाई समेत प्रतिनिधित्व गराईने भएको छ ।
सोमबार प्रा डा. गोपिन्द्र पौडेलको विशेष उपस्थितीमा नेपाल प्रज्ञा प्रतिष्ठानको बैठक कक्षमा भएको छलफल तथा साहित्य परिषद प्यूठानले निकालेको विज्ञप्तीमा स्वर्गद्धारीमा स्थानिय झाँकी, कविता, गित लगाएतका साहित्यिक गतिविधीहरु गरिने बताइएको छ ।
त्यस्तै कार्तिक ६ गते बिहान ओखरकोट र साँझ खलङ्गामा सोही प्रकारका साहित्यिक कार्यक्रम हुनेछ भने कार्तिक ७ गते बाग्दुलामा देवकोटा जयन्ती लगायत विभिन्न गतिविधिहरु गरी महोत्सवलाई आकर्षक बनाइनेछ । सो अवसरमा प्युठानका विभिन्न पर्यटकिय तथा सांस्कृतिक स्थानहरुको भ्रमणसमेत गरिने निर्णय गरिएको छ । विज्ञप्तीमा भनिएको छ, ।
साउन २३ गते महोत्सवको बारेमा विस्तृत बैठकको आयोजना समेत गरिएको छ । बैठकमा मोहनविक्रम सिंह, मोहन वैद्य, वामदेव गौतम, लिलामणी पोखेल, मणी थापा, दूर्गा पौडेल, डा. गोविन्द पोख्रेल, डा. गोविन्द पौडेल, हरिहर शर्मा लगायत प्युठान जिल्लासँग सम्बन्धित विभिन्न बुद्धिजीवी, राजनैतिक व्यक्तित्व, साहित्यकारहरुको समेत उपस्थिति रहने छ ।