६० वर्ष भन्दा माथिका वृद्धवृद्धा र गाउँपालिका अन्तर्गतका स्वास्थ्य संस्थामा कार्यरत सामुदायिक महिला स्वास्थ्य स्वयंसेविकालाई औषधउपचार खर्चको वन्दोवस्त मिलाईएको छ ।

नौबहिनी गाउँपालिका प्यूठानले ६० वर्ष भन्दा माथिका आँखासम्बन्धी समस्या भएका विरामीहरुलाई उपचार खर्चमा टेवा पुगोस भन्ने उद्देश्यले प्रस्तावित नरेन्द्र गायत्री आँखा अस्पताल बिजुवार प्युठानसगँ सम्झौता गरि वार्षिक उपचार खर्चवापत ३लाख ५० हजार छुट्याएको गाउँपालिका अध्यक्ष डिल बहादुर थापाले बताए ।

उनका अनुसार गत मंगलबार देखी उक्त सम्झौता लागु गरिएको छ । विरामीको आखाँको शल्यक्रिया गरिएको अवस्थामा शल्यक्रियावापत प्रति विरामी ५ हजार र औषधउपचार खर्चवापत १ हजार सम्मको सेवा उपलब्ध गराइने नौबहिनी गाउँपालिकाले जनाएको छ ।