श्रमजीवी पत्रकारको न्युनतम पारिश्रमिक निर्धारण गर्न पत्रकार महासङ्घको ध्यानाकर्षण भएको बताए । नेपाल पत्रकार महासङ्घ जिल्ला शाखा प्युठानको १४ औ बार्षिक साधारण सभामा भएको कार्यक्रममा बोल्दै नेपाल पत्रकार महासङ्घका केन्द्रिय उपाध्यक्ष उदय जिएम ले यस्तो बताए। जिल्लामा आवद्ध पत्रकारहरुलाई सक्षम र सबल बनाउनको लागि महासङ्घको दायित्व विशेष रहेको समेत उनले बताए ।

त्यस्तै जिल्ला समन्वय समिति प्युठानका प्रमुख तथा सोही कार्यक्रमका बिशेष अतिथि समेत रहनुभएका धरम बहादुर जिसि ले पत्रकारले गर्ने काम र कर्तव्य अधिकारलाई बुझ्न जरुरि रहेको बताए । उनले कुन सुचना बाहिर ल्याउने र कस्तो सुचनालाई बाहिर नल्याउने भनी लाग्न भन्दै जनताको सत्य तथ्य कुरालाई सहि सुचना मार्फत प्रवाह गर्न आग्रह गरे ।

कार्यक्रममा बोल्ने वक्ताहरुले महासङ्घ सशक्त तरिकाले बलियो भएर अगाडि बढ्न अनुरोध गरेका छन । जिल्लाको सुशासन र बिकासको लागि पत्रकारिताको अहम भुमिका रहेको पनि बताएका हुन । त्यस्तै कार्यक्रममा पत्रकार महासङ्घमा योगदान पुर्‍याएर हाल स्थानीय तहमा निर्वाचित भएका पत्रकारहरुलाई सम्मान समेत गरेको छ । सम्मान हुनेहरुमा प्युठान नगरपालिकाका उपमेयर देबेन्द्र बर्मा, गौमुखी गाउपालिकाका उपाध्यक्ष महाविर राना, झिमरुक गाउपालिका उपाध्यक्ष प्रमोद पोख्रेल र मल्लरानी गाउपालिका ३ का वडा अध्यक्ष नोमराज पौडेल रहनुभएको छ ।

सोही कार्यक्रममै नेपाल पत्रकार महासङ्घका पुर्व अध्यक्ष गिरु भण्डारिलाई स्वार्गिय सुर्य बहादुर बिश्वकर्मा स्मृति पत्रकारिता पुरस्कार प्रदान गरिएको छ ।