झुलेनी पोष्ट२०७९ फागुन १८, प्यूठान
२०७९ फागुन १८, प्यूठानलायन्स क्लव अफ प्यूठानले नरेन्द्र गायत्री आखा अस्पतालमा उपचारत् आखाका बिरामीहरुलाई फलफुल वितरण गरेको छ । क्लवले आखाका रोगीहरुको मोतिविन्दुको शल्यक्रिया शिविर कार्यक्रमको अवसरमा करिब ४० जना बिरामीहरुलाई शुद्ध खानेपानी तथा फलफुल वितरण गरेको हो ।
कार्यक्रममा लायन्स क्लव प्यूठानका पूर्व अध्यक्ष अर्जुन कुमार कक्षपतिले जिल्लाका विभिन्न स्थानमा पुगेर आपत विपतमा परेका व्यक्ति तथा विपन्न परिवारलाई निस्वार्थ रुपमा सहयोग गरिरहेको बताए । त्यस्तै उनले आगामी दिनमा पनि यस्ता खालका सामाजिक सद्भाव तथा सहयोगका कार्यहरु गर्न निरन्तर लागि पर्ने बताए ।
विपत, बाढी पहिरो, आपत विपतमा परेका दिन दुखी, गरिब, असाहय तथा विपन्न परिवार लगाएत विभिन्न सामाजिक कार्यमा सक्रिय क्लव पछिल्लो समय जिल्लामा विशुद्ध सामाजिक संस्थाको रुपमा परिचित छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
